Þvílíkur hallæriskall.

Vááá! Ég verð nú að viðurkenna fáfræði mína í kjöltudansmálum, hef nebbla aldrei dansað þannig dans, skil samt engan vegin hvernig dansmeynni hefur tekist að reka hælinn í augað á manninum, eða þá hvernig kallinum datt í hug að höfða skaðabótamál gegn stúlkunni, ég held hann hefði betur haft vit á að þegja um málið, þetta er eitthvað svo innilega hallærisleg, best fyrir svona vælukjóa að halda sig bara á heima við í stað þess að vera að rembast við eitthvað sem þeir ráða svo ekkert við.

Krefst skaðabóta eftir kjöltudans

Heima er best

Þá er nokkuð ljóst að ég held mig heima þessa páskahelgi, ekki að ég hafi svo sem ætlað í einhverja langferð, reikna þó með að skreppa upp í Borganes í fermingu og svo fer ég náttla á fund fundanna í Höllina á Föstudagin langa. Enda ekki slæmt að kúra með ungunum mínum og borða páskegg, svo er alveg bráðnauðsinlegt að hóa saman stórfjölskyldunni, borða saman og bara hlæa og skemmta sér. Jæja verð að koma mér úr tölvunni og sinna litla ðmmusnúllanum mínum sem var að detta inn úr dyrunum

 

 

 

Dýrt páskaferðalag

Jibbý!

Ég yrði sko ekki lengi að sannfæra doksa um að setja mig á svona pillu, þrjár til fjórar á dag, í það minnsta. Svo gæti ég nátlla bara gúffað í mig súkkulaði allan liðlangan daginn, eins og mér einni er lagið. Svakalega yrði ég nú glöð og spræk ef ég kæmist yfir svona töfralyf, málið er samt sem áður að ég er löngu hætt að falla fyrir galdrapillum, af hvaða tagi sem þær eru. Það fylgir nebbla alltaf með að bestur árangur náist ef mann drekkur tvo til þrjá lítra af vatni á dag, sprikli helst í tvo tíma sjö daga vikunnar, sneiði hjá öllu sem er fitandi, þar með talið súkkulaði og þá er ég bara ekki með lengur, enda pillan óþörf svo frama lega sem maður fylgir öllum góðu ráðunum sem fylgja með í pakkanum.

Nýju ljósi varpað á orsakir offitu

Drasl

Held ég sneiði hjá kínverskum leikföngum í náinni framtíð, ljóta draslið og stórhættulegt í þokkabót

Mega Brands innkallar leikföng

Tapa hvað?

Tapa í sjómann! Hvaða, hvaða, ef að maður tapar í sjómann þá er um að gera að lúskra hressilega á mótherjanum, ekki gengur að sætta sig við að tapa mótþróalaust.  Grínlaust! Er ekki málið að sleppa bara sjómanninum ef maður er eitthvað slappur í höndunum, það hefur allavega reynst mér alveg ágætlega hingað til.

Þoldi ekki að tapa í sjómanni

Ég sá engin börn.

Bubbabörnum? Ég fatta ekki alveg, eru börn í þessum þáttum? Ég hef bara horft á einn þátt, þannig að það er nú kanski ekkert að marka, en ég sá engin börn í þeim þætti, svo mikið er víst. Ég skil einhvernvegin ekki hvernig fólk nennir sífellt að vera að setja út á sjónvarpsþætti, og verð alltaf jafn undrandi þegar ég heyri fólk vera að hringja í símatíma ljósvakamiðlana til þess að væla yfir þessum eða hinum sjónvarpsþættinum. Það er svo að skilja að sumir álíti það heilaga skyldu sína að sitja fyrir framan imbakassann öll kvöld vikunnar, þó ekki sé nema til þess eins að geta tjáð sig um  hve ömurlegat það er. Ég mæli með að akkúrat þetta fólk, taki mig til fyrirmyndar og sleppi því einfaldlega að kveikja á tívíinu  Ég hreinlega gleymi að kveikja á því, og nenni ekki að standa í að fá einhvern í að setja upp örbylgjuloftnetið og sansa afruglarann, það er líka svo ótal margt sem ég tek fram yfir sjónvarpsgláp.

Samt get ég alveg unnt öðrum að horfa, enda ekki eitthvað sem mér kemur eitthvað við, ég bara skil ekki hvernig fólk nennir að horfa á efni sem því finnst drepleiðinlegt,hringja svo í útvarpsþætti til að kjökra yfir öllu saman, miklu betra að gera eitthvað sem því þykir skemmtilegt. 

Bubbabörnum boðið upp á tattú

Flott helgi.

Vell! Glimrandi skemmtileg helgi, það sem búið er af henni alla vega. Konupartý á föstudagskvöld, dýrindis matur í boði og geggjuð magadansmær sýndi tilþrif, ekki á kverju kvöldi sem maður sér sollis, vart þarf að þaka það fram að dansmærin er að sjálfsögðu ein af oss, þek það þó sérstaklega fram svo það fari pottþétt ekki fram hjá neinum. Nú svo reif maður sig upp í rauðabítið í morgun, eða kanski ekki alveg, en snemma engu að síður miðað við að það sé laugjari. Brunaði síðan til Ingu Birnu og hún vippaði sér upp í minn silfurgrá eðalvagn, því næst var haldið í höfuðborgina á stað sem ég nefni ekki hér og þar deildum við vinkonurnar reynslu okkar og létum gott af okkur leiða, vonum alla vega að einhver hafi getað nýtt sér heimsóknina. So bara dingluðum við okkur eitthvað í búðarápi og gátum eytt einhverjum krónum, sem ég hef aldrei átt í neinum vandræðum með, keypti samt engan óþarfa að þessu sinni.  Bara bráðnauðsinlegan óþarfa.

Svo kom Inga í heimsókn til mín í kvöld og áttum við yndislega kvölstund með himnesku súkkulaði og kaffitári. Á morgun ætla ég að druslast til að klára að tæma geimsluna á Bakkó, ætla samt sem áður að sofa út, annað kemur ekki til mála.

Hrikalega er nú annars notalegt að sitja bara upp í sínu splunkunýja rúmi með sína splunkunýju tölvu og raupa einhverja steypu sjálfum sér til ánægju og kanski einhverjum öðrum líka, nú ef ekki þá sleppir fólk einfaldlega barasta að lesa bloggið mitt, sem er náttla þeirra missir

Ætli ég hætti ekki núna, enda orðin sibbin og þreytt

Góða nótt elskurnar mínar og sofið rótt

Fáránlegur dómur.

Það eru greinilega skiptar skoanir hér á blogginu um þennan dóm, persónulega skil ég ekki hvað uppeldi kemur dómnum við eins og sumir þröngsýnir og fordómafullir hrokagikkir vilja meina. Ekki það að mér detti til hugar að taka mark á siðapostulum sem hafa ekki snefil að þekkingu, hvað þá reynslu af uppeldi barna, nema þá sinna eigin sem sjálfsagt eru alltaf til fyrimindar og eru svo heppin að hafa fæðst heilbrigð.

Arg! Djöfull get ég orðið brjáluð yfir svona yfirgengilegum fáránleika, sagt er að stelpan sé með Aspbergerheilkenni, einnig er tekið fram að hvatvísi hafi ráðið ferðinni, hvatvísi er eitthvað sem fullorðið fólk á oft á tíðum erfitt með að ráða við, hvernig er þá hægt að búast við að börn geti það? 

11 ára stelpa er álitin mun meiri glæpamaður en nauðgari, ekki hef ég alla vega séð nauðgara dæmdan til að greiða jafn háar bætur til sinna fórnarlamba. Svo finnst mér persónulega að skólinn eigi að bera ábyrgð í þessu máli. Reyndar virðast Íslendingar gjörsamlega vera að missa sig í skaðbótamálum, auðvitað öpum við það eftir Ameríkönunum eins og svo margt annað. Ekki veit ég hvernig móðirin á að útvega 11 miljónir, þær eru ekki gripnar upp af götunni, svo mikið er víst.

Ég er alveg sannfærð um að stelpan hefur ekki lagt á ráðin um að slasa kennarann sinn, auðvitað er þetta algjört óviljaverk, ekkert annað en slys. Ég held við ættum að sýna bræðrum okkar og systrum meira umburðalyndi og kærleika, þá liði líka öllum mun betur, það er í það minnsta mín sannfæring.

Hættum að dæma allt og alla.

Hávært er heimskra rök.
Hæst í tómu bylur.
Oft er viss í sinni sök
sá, sem ekkert skilur.
Örn Arnar.

 

Dæmd til að greiða kennara 10 milljónir í bætur

Kanski þær séu búnar á því.

Mestar áhyggjur hef ég af þessum fjórum sem enn voru starfandi, kanski komnar til ára  sinna og erfitt fyrir þær að fá sambærilega vinnu, annars hljóta þær að fá atvinnuleysisbætur, eða jafnvel örorkubætur, ábyggilega orðnar lúnar og rytjulegar, enda búnar að standa sig eins og sannar hetjur frá því 1948, þær hafa sem sé byrjað rétt eftir að seinni heimstirjðldinni lauk.....

Úps! Kanski að einhver endurnýjun hafi átt sér stað, hver veit?

Sá bara fyrir mér gamlar og þreytulegar júfertur.

Elsta vændishúsi Hamborgar lokað

Tveir dagar hefðu kanski meikað sens, en........

Vááá! Hvað er málið með að sitja á skutnum í heil tvö ár? Ég á bágt með að trúa svona löguðu, tveir dagar hefðu meikað sens, en ekki tvö ár. Henni hefur örugglega verið illt í bakinu, svo ég tali nú ekki um rassabosann á aumingjans konunni  Annars finnst mér eiginlega ekki djókandi með þetta, fólkið er greinilega fárveikt á sálinni. Þau hljóta að hafa verið með tvö klósett, nema maðurinn hafi verið upp á nágranna sína komin í þeim málum. Fatta samt ekki hvað ég er að pæla í þessu, ég þarf ekkert að skilja alla sakapaða hluti, þó ég freistist stundum til að álíta að svo sé.

Greri föst við klósettsetuna