Vantar kærleikann?

Æji! Það er eitthvað svo sorglegt hvernig allt verður vitlaust á svona frídögum. Allir ætla að sletta ærlega úr klaufunum, loksins komnir í nokkura daga frí. Engin hefur að markmiði að gista fangageymslu eða skandalísera sökum ölvunar heilu og hálfu næturnar.Lífið er ekki áreynslulaust nokkrum manni, áreytið og spennan sem gargar á okkur úr öllum áttum verður mörgum einfaldlega ofviða. Hvernig getum við vonast eftir hugarró þegar við erum stöðugt að eltast við eitthvað og keppa að einhverju.

Allt of margir eyða tíma og orku í að ásaka alla aðra um það sem miður fer, í stað þess að átta sig á að þeir geti lagt sitt af mörkum. Við ættum að byrja innra með okkur sjálfum, komum okkur sjálfum í lag, hreinsum út vondar tilfinningar og gamlar syndir, áður en við vitum af erum við farin að geisla frá okkur friði og kærleika í stað hroka og neikvæðni.

Ekkert er ómögulegt: Breytingin byrjar hjá einstaklingnum, fer þaðan inn í samfélagið, borgina, þjóðina og heiminn.

Fangageymslur fullar í Reykjavík

Páskagaman

Gleðidda páska  Já þetta sagði frumburðurinn minn á öllum stórhátíðum á sínum yngri árum, hvort það voru jól, páskar eða bara ef einhver átti afmæli, hann var ekkert að flækja málin neitt extra mikið á þessum árum, hann lagði sko ríka áheyrslu á dddd ið. En hvað um það, ég ráfa hér um íbúðina eins og sauður í leit að sameiginlegu páskeggi okkar mæðgna, en mín elskulega dóttir vildi endilega deila sínu eggi með mér, sem kom sér nú svona og svona þar sem ég ætlaði ekki að borða neitt páskegg, auðvitað afþakkar mann nú ekki svona fallegt boð frá sinni uppáhalds dóttur, maður kann sig nú, ég verð víst að láta mig hafa það að háma í mig súkkulaði "eins og mér finnst það nú vont " en já maður verður stundum að hugsa um fleiri en sjálfan sig, ekki vil ég særa litluna mína. Glætan! Að hún yrði sár, hún fengi bara meira og það gæti ég sko ekki horft upp á.

Snorri afþakkaði páskaegg á síðustu stundu mér til mikillar hrellingar, ég hef nebbla sko alltaf fengið allt súkkulaðið hans því hann er lítið fyrir sollis, og ég búin að auglýsa það um allar jarðir að ég ætli sko ekki að kaupa mér páskaegg út af því hvað ég er stabíl á þessu sviði

Hláturinn lengir ekki bara lífið, hann gerir það líka svo svakalega skemmtilegt, við Snorri grétum í bókstaflegri merkingu langt fram eftir nóttu glápandi á Næturvaktina, vorum svo sem búin að sjá hana í tívíinu en hlógum enn meira í þetta sinn og hættum ekki fyrr en allt var búið.

Svona fyrir þá sem ekki vita: Þá var Sundhöllin í Reykjavík vígð á akkúrat þessum degi, 23. mars árið 1937.

Svo var það einnig 23. mars sem söngsveitin Fílharmónía var stofnuð, árið 1960.

Og þá hafið þið það! Ég ætla hins vegar að fara að sansa fyrir fjölskylduhittinginn, sem verður seinna í dag, svo reyni ég að kíkja eftir páskegginu svona í framhjáhlaupi, má reyndar ekki byrja fyrr en heimasætan rís úr rekkju, guð má vita hvenær það verður

Já við erum svo yfirgengilega barnaleg á þessu heimili, felum páskegg og fleira skemmtó, þó hér búi enginn undir 15 ára aldri. Ekki má mann gefa ömmusnúllanum páskegg, ekki enn, en koma tímar koma ráð.

GLEÐIDDDDA PÁSKA

Og munið að vera góð við kvort annað, og alls ekki stela súkkulaði frá kvort öðru, ja nema þið séuð svona útsmogin eins og ég  ég get nebbilega alltaf kennt Polla mínum um, hann stendur með sinni og myndi aldrei reyna að þræta

Páskafjör

Jæja þá er loks búið að baða bæði menn og málleysingja á þessu heimili eins og við höfum fyrir venju fyrir páskana, svo endurtökum við kanski leikinn aftur með vorinu, svona ef vel liggur á okkur. Það er svooo góð lykt af honum Polla mínum og hann er alveg geggjað mjúkur, sætur og krúttaralegur, mesta sjarmatröll í heimi. Við Snorri ætlum að fara að horfa á næturvaktina, fengum hana í láni hjá mömmsunni minni og náttla pabbanum mínum líka, það er örugglega temmilega langt síðan við sáum hana í sjónvarpinu, eigum við að ræða það eitthvað! Eins gott að gleyma ekki þessum skemmtilegu frösum.

Jæja þá, góða nótt og sofið rótt.

Mig langar líka!

Mig langar svo að vera þarna! Brjálað stuð og geggjað gaman  Ég fer sko næst, hvað sem tautar og raular, Ísafjörður er einn fallegasti staður á landinu, en bara svo langt í burtu frá Akranesi, ég á bara góðar minningar frá Ísó, ég átti nebbla ömmu og afa á Ísó. En ég verð fyrir vestan í andanum og læt það duga þessa páskana.

Rokkhátíð hafin á Ísafirði

Og hvað?

Og hvað? Bíða þá eiginmennirnir, bræðurnir eða frændurnir á hóteltröppunum auðmýktin uppmáluð eins og þeim einum er lagið? Ekki treysta þessir siðlausu þorparar, (sem fyrir mér eru ekki annað en vansæmd mannkynsins) konunum til þess að ferðast einum, aka bíl né neitt annað, við hvað ætli þeir séu hræddir? Ætli þeirra stærsti ótti sé að konurnar komist að því að þeir séu ekkert annað en hræddar gungur, sem geta afrekað fátt annað en að níðast á minni máttar?

Bara fyrir konur

Hugleiðing

Jæja þá er mann að skríða saman eftir ælupest, er samt enn með svima og lystarleysi. Ég er nú samt búin að afreka að mæta í fermingarveislu, drulluslöpp og ræfilsleg, fékk svona flass back  leið eins og ég væri þunn, frekar krípí upplifun. En svo fór ég náttla á stóra fundinn í gær, sem var bara snilld eins og alltaf, eða 4 síðustu ár sem ég hef verið svo lánsöm að vera sólarmegin í lífinu  Svo er það stórfjölskyldan í mat á morgun, sem er mest gaman, enda örugglega skemmtilegasta og flottasta stórfjölskylda sem sögur fara af.

Mér finnst málshættir alveg yfirgengilega skemmtilegir, margir hverjir alla vega, ætla samt ekki að kaupa mér páskegg vegna þess að ég er að reyna að borða eins lítið súkkulaði og ég mögulega get, kaupi mér kanski eitt pínuoggulítið, og þá bara vegna málsháttarins  Talandi um málshætti læt ég einn fylgja hér með, sem er ótrúlega sannur og einn sá flottasti sem ég hef lengi séð.

Reiði er eins og rýtingur, sem þú rekur í eigið hold. Tær snilld.

Hvaða stjórnsemi er í gangi?

Ekki skil ég hvað fólk er að fárast yfir svona smotteríi, það er ekki eins og þetta sé eitthvað ný tíska, það þykir ekki par fínt að vera girtur upp í görn nú á dögum. Árum saman hafa strákarnir plömmað dömurnar og þær ku vera sáttar með sína menn, ungunum mínum þykir mamma sín nú vera full brókuð á köflum, en það er önnur saga. Sem betur fer fyrir stjórnsama skólastjóra og aðra sem eiga erfitt með að sætta sig við þessa tísku, færist buxnastrengurinn ofar með aldrinum. Leyfum unglingunum endilega að klæða sig eftir eigin geðþótta, það er svo margt miklu, miklu óhuggulegra sem vert er að hafa áhyggjur af.

Bannað að borða á nærbuxunum

Smá pæling

Ég var svona að pæla. Ætlaði reyndar að vera sofnuð, en það er bara svo gaman hjá mér að ég nennti ekkert að vera sofnuð.

Það sem ég var að pæla var miðaldurinn.

Er það ekki dæmigert um að maður sé orðinn miðaldra, þegar maður kaupir sér gagnsæjan náttkjól, en man svo allt í einu eftir að maður þekkir bara engan sem ennþá getur séð í gegnum hann  

Eða þá, að þegar að mann langar að hreyfa sig, leggst maður niður þar til löngunin hverfur

Nú eða þegar kvöldverður við kertaljós er ekki lengur rómantískur, vegna þess að maður getur ekki lesið það sem stendur á matseðlinum

Eða þegar maður hamast við að slétta hrukkurnar í sokkunum, og uppgötvar að maður er alls ekki í neinum sokkum

Svo er okkur sagt að það sé eðlilegt að verða gleyminn er við eldumst, það sem okkur er hins vegar ekki sagt er að við söknum þess ekki verulega

Við þurfum ekki að forðast freistingar þegar við eldumst, þær forðast okkur

 

Eins gott...

Vínið verður einungis í boði fyrir sérlega efnað fólk, eins gott að það var sérstaklega tekið fram, aldrei að vita nema fátækur almúinn hefði farið að frínast í mjöðinn.

Kassi af kampavíni á 50 þúsund evrur

Arabavitleysingar

Það er naumast að þessum Aröbum liggur á í hjónasængina, 11 ára tittur, allsendis óvíst að komið sé sé niður á guttanum. Held svei mér þá að ungarnir mínir séu bara á góðri leið með að pipra, drengurinn að verða 15 og stelpan að verða 17.

Annars er svo sem ekki fallegt af mér að gera grín að þessu, blessuð börnin eiga svo sannarlega alla mína samúð, þau hafa örugglega ekki atkvæðisrétt í málinu, mér finnst alveg hrikalega  sorglegt hvernig þessir arabar fara með börnin sín, að láta þau ganga í hjónaband á þessum aldri segir allt sem segja þarf um foreldrana.

11 ára strákur kvæntist 10 ára frænku sinni