Ég sá engin börn.

Bubbabörnum? Ég fatta ekki alveg, eru börn í þessum þáttum? Ég hef bara horft á einn þátt, þannig að það er nú kanski ekkert að marka, en ég sá engin börn í þeim þætti, svo mikið er víst. Ég skil einhvernvegin ekki hvernig fólk nennir sífellt að vera að setja út á sjónvarpsþætti, og verð alltaf jafn undrandi þegar ég heyri fólk vera að hringja í símatíma ljósvakamiðlana til þess að væla yfir þessum eða hinum sjónvarpsþættinum. Það er svo að skilja að sumir álíti það heilaga skyldu sína að sitja fyrir framan imbakassann öll kvöld vikunnar, þó ekki sé nema til þess eins að geta tjáð sig um  hve ömurlegat það er. Ég mæli með að akkúrat þetta fólk, taki mig til fyrirmyndar og sleppi því einfaldlega að kveikja á tívíinu  Ég hreinlega gleymi að kveikja á því, og nenni ekki að standa í að fá einhvern í að setja upp örbylgjuloftnetið og sansa afruglarann, það er líka svo ótal margt sem ég tek fram yfir sjónvarpsgláp.

Samt get ég alveg unnt öðrum að horfa, enda ekki eitthvað sem mér kemur eitthvað við, ég bara skil ekki hvernig fólk nennir að horfa á efni sem því finnst drepleiðinlegt,hringja svo í útvarpsþætti til að kjökra yfir öllu saman, miklu betra að gera eitthvað sem því þykir skemmtilegt. 

Bubbabörnum boðið upp á tattú

Flott helgi.

Vell! Glimrandi skemmtileg helgi, það sem búið er af henni alla vega. Konupartý á föstudagskvöld, dýrindis matur í boði og geggjuð magadansmær sýndi tilþrif, ekki á kverju kvöldi sem maður sér sollis, vart þarf að þaka það fram að dansmærin er að sjálfsögðu ein af oss, þek það þó sérstaklega fram svo það fari pottþétt ekki fram hjá neinum. Nú svo reif maður sig upp í rauðabítið í morgun, eða kanski ekki alveg, en snemma engu að síður miðað við að það sé laugjari. Brunaði síðan til Ingu Birnu og hún vippaði sér upp í minn silfurgrá eðalvagn, því næst var haldið í höfuðborgina á stað sem ég nefni ekki hér og þar deildum við vinkonurnar reynslu okkar og létum gott af okkur leiða, vonum alla vega að einhver hafi getað nýtt sér heimsóknina. So bara dingluðum við okkur eitthvað í búðarápi og gátum eytt einhverjum krónum, sem ég hef aldrei átt í neinum vandræðum með, keypti samt engan óþarfa að þessu sinni.  Bara bráðnauðsinlegan óþarfa.

Svo kom Inga í heimsókn til mín í kvöld og áttum við yndislega kvölstund með himnesku súkkulaði og kaffitári. Á morgun ætla ég að druslast til að klára að tæma geimsluna á Bakkó, ætla samt sem áður að sofa út, annað kemur ekki til mála.

Hrikalega er nú annars notalegt að sitja bara upp í sínu splunkunýja rúmi með sína splunkunýju tölvu og raupa einhverja steypu sjálfum sér til ánægju og kanski einhverjum öðrum líka, nú ef ekki þá sleppir fólk einfaldlega barasta að lesa bloggið mitt, sem er náttla þeirra missir

Ætli ég hætti ekki núna, enda orðin sibbin og þreytt

Góða nótt elskurnar mínar og sofið rótt

Fáránlegur dómur.

Það eru greinilega skiptar skoanir hér á blogginu um þennan dóm, persónulega skil ég ekki hvað uppeldi kemur dómnum við eins og sumir þröngsýnir og fordómafullir hrokagikkir vilja meina. Ekki það að mér detti til hugar að taka mark á siðapostulum sem hafa ekki snefil að þekkingu, hvað þá reynslu af uppeldi barna, nema þá sinna eigin sem sjálfsagt eru alltaf til fyrimindar og eru svo heppin að hafa fæðst heilbrigð.

Arg! Djöfull get ég orðið brjáluð yfir svona yfirgengilegum fáránleika, sagt er að stelpan sé með Aspbergerheilkenni, einnig er tekið fram að hvatvísi hafi ráðið ferðinni, hvatvísi er eitthvað sem fullorðið fólk á oft á tíðum erfitt með að ráða við, hvernig er þá hægt að búast við að börn geti það? 

11 ára stelpa er álitin mun meiri glæpamaður en nauðgari, ekki hef ég alla vega séð nauðgara dæmdan til að greiða jafn háar bætur til sinna fórnarlamba. Svo finnst mér persónulega að skólinn eigi að bera ábyrgð í þessu máli. Reyndar virðast Íslendingar gjörsamlega vera að missa sig í skaðbótamálum, auðvitað öpum við það eftir Ameríkönunum eins og svo margt annað. Ekki veit ég hvernig móðirin á að útvega 11 miljónir, þær eru ekki gripnar upp af götunni, svo mikið er víst.

Ég er alveg sannfærð um að stelpan hefur ekki lagt á ráðin um að slasa kennarann sinn, auðvitað er þetta algjört óviljaverk, ekkert annað en slys. Ég held við ættum að sýna bræðrum okkar og systrum meira umburðalyndi og kærleika, þá liði líka öllum mun betur, það er í það minnsta mín sannfæring.

Hættum að dæma allt og alla.

Hávært er heimskra rök.
Hæst í tómu bylur.
Oft er viss í sinni sök
sá, sem ekkert skilur.
Örn Arnar.

 

Dæmd til að greiða kennara 10 milljónir í bætur

Kanski þær séu búnar á því.

Mestar áhyggjur hef ég af þessum fjórum sem enn voru starfandi, kanski komnar til ára  sinna og erfitt fyrir þær að fá sambærilega vinnu, annars hljóta þær að fá atvinnuleysisbætur, eða jafnvel örorkubætur, ábyggilega orðnar lúnar og rytjulegar, enda búnar að standa sig eins og sannar hetjur frá því 1948, þær hafa sem sé byrjað rétt eftir að seinni heimstirjðldinni lauk.....

Úps! Kanski að einhver endurnýjun hafi átt sér stað, hver veit?

Sá bara fyrir mér gamlar og þreytulegar júfertur.

Elsta vændishúsi Hamborgar lokað

Tveir dagar hefðu kanski meikað sens, en........

Vááá! Hvað er málið með að sitja á skutnum í heil tvö ár? Ég á bágt með að trúa svona löguðu, tveir dagar hefðu meikað sens, en ekki tvö ár. Henni hefur örugglega verið illt í bakinu, svo ég tali nú ekki um rassabosann á aumingjans konunni  Annars finnst mér eiginlega ekki djókandi með þetta, fólkið er greinilega fárveikt á sálinni. Þau hljóta að hafa verið með tvö klósett, nema maðurinn hafi verið upp á nágranna sína komin í þeim málum. Fatta samt ekki hvað ég er að pæla í þessu, ég þarf ekkert að skilja alla sakapaða hluti, þó ég freistist stundum til að álíta að svo sé.

Greri föst við klósettsetuna

Kreppa!

Ef það er ekki komin kreppa, þá heiti ég ekki Hófý  Fuss og svei! Hvar endar þessi dýrtíð? Matvælaverð er auðvitað hæst á Íslandi, nema hvað? T0llar og vörugjöld nema allt að helming á sumum vörutegundum, eins og til dæmis, kjúklingabringur, ostar, pulsur, franskar kartöflur og frosnar pítsur, ekki kanski alveg það hollasta, það er að segja pulsurnar og frönskurnar, og vel hægt að lifa góðu lífi án þess að gúffa slíku sjoppufæði í sig. En án kjúklingabringa vildi ég ekki vera, svo mikið er víst.

Einhversstaðar las ég að matvælaverð hafi hækkað um 5,7% á Íslandi frá því að virðisaukaskattur var lækkaður um 7%. Hér er eitthvað greinilega ekki að virka sem skyldi, ég efast stórlega um að þessar hækkanir eigi sér eðlilegar skýringar, og lái mér hver sem vill. Mér skilst þó að hækkuin sé aðalega rakin til hækkandi heimsmarkaðsverðs, bændur segja okkur að enn þurfi að hækka verð, vegna hækkunnar á aðföngum, heyrt hef ég að lækka þurfi tolla af fóðurblöndu til bænda, hvað ætli ég viti um það svo sem? Ekki mikið alla vega, hins vegar veit ég að lambalæri er ekki það ódýrasta í kjötborðinu og örugglega ekki á borðum hins almenna launþega í hverri viku. Eða þá ein skitin jógúrt, 75 kall takk fyrir, við erum að tala um nokkrar teskeiðar af mjólkurglundri bragðbættu með sykri og einhverju gervidóti. Já það er orðið vandlifað í veröldinni, ekki satt?

Það sem er svo fáránlegast í dæminu er allur þessi aukakostnaður sem leggst ofan á innkaupsverð á influttum matvörum. Sem er sum sé, aðflutningsgjöld, kostnaður við útboð á kvóta, magntollur, heildsölu og smásöluálagning, virðisaukaskattur, smásöluverð, flutningskostnaður, ég er ekki í neinum vafa um að það er vel grundvöllur til að minnsta kosti lækka þessi gjöld eitthvað, þó ekki væri annað. Það er ógeðslega pirrandi og niðurdrepandi að þurfa að borga alla þessa peninga til þess eins að geta etið sig saddan.

Hvað er þetta með pelsa og þjófa?

Pelsar hafa mikið aðdráttarafl, einkum og sér í lagi í fatahengjum veislusala, fyrir einhverjum árum var pelsinum hennar mömmu minnar stolið úr fatahengi í veislusal í höfuðborginni, í salnum fór fram afmælisveisla og hafði mamma sett pelsinn í fatahengið eins og lög gera ráð fyrir, þegar hún svo ætlaði að ná í pelsinn var búið að taka hann, en þjófurinn sá var ekki alslæmur, hann skyldi nebbla eftir annan pels, sem var bæði minni, ljótari og miklu lélegri, held að sá hafi verið úr annað hvort úr rottu eða músaskinni , nei nei, segi bara svona......Pelsinn hennar múttu kom aldrei í leitirnar, þrátt fyrir auglýsingar í útvarpi og fleira. Svona geta nú sumir verið forhertir.

Stal pels og spásséraði um miðborgina

Minnir mig á.....

Einmitt það já! Minnir mig á dáldið sem ég hef í fórum mínum.....Dad arad adaaa  Kanski afkomendur mínir komi því til skila eftir 100 ár. Ég er nebbla mikill bókasafnstrassi og hef borgað ófáar krónurnar í sektir í gegnum tíðina, það sem gerist alltaf er að þegar samviskubitið er orðið mér ofviða, tek ég mig til og safna saman skruddunum sem ég hef sankað að mér í mislangan tíma, skunda svo beinustu leið upp á bókasafn og reyni að sannæra bókaverðina um að ég sé með afbrigðum seinlæs, það tekst hins vegar aldrei  Þá er ekki um annað að ræða en að borga þeim fúlgu fjár, sem ég sé undantekningalaust mikið eftir, en first ég er nú loksins komin í safnið finnst mér alveg gráupplagt að fá að láni eins og nokkrar bækur, svona til vonar og vara ef ég skyldi nú gefa mér tíma til að glugga eitthvað í þær, sem reyndar gerist svo ekki. Synd að það sé búið að leggja niður sektarlausu dagana, það var þó huggun harmi gegn að geta altént stólað á þá.

100 árum of seint

Ekki er ég hissa

Ég er ekki hissa á að veslings stúlkan sé ekki að selja sig fyrir slikk, það er nú ekki alveg ókeypis að búa á Manhattan eins og kemur fram í fréttinni, hún hefur bara hreint ekki haft aðra kosti í stöðunni eins og dýrtíðin er orðin, Ashley kann greinilega að bjarga sér, og skítt með ríkisstjórann, hún verður pottþétt ekki í vandræðum með að finna annan "Drjóla" sem er tilbúin að borga vel dráttinn.

Spitzer greiddi vændiskonu 300.000

Loksins!

Hæ hæ! Loksins er ég komin með netið og splunkunýja tölvu, ekkert minna takk fyrir takk Heldur betur hátíð á heimilinu núna. Enda erum við búin að vera netlaus síðan við fluttum, sem er kanski ekki svo ýkja langur tími, hvernig fór maður eiginlega að hér áður og fyrr? Ég er ekki heldur búin að koma sjónvarpinu í stand, eintómt vesen með það batterí, ég er búin að fá nýjan afruglara og örbylgjuloftnet sem gagnast mér svo sem ekki baun þar sem ég kann ekkert á sollis humbúkk  Ég get ekki sagt að það komi sér neitt ílla, ég hef bara ekki haft nokkurn tíma í sjónvarpsgláp, svo vita þeir sem mig þekkja að ég verð nú seint talin mikill sjónvarpsglápari, það sjaldan að ég sest fyrir framan það steinsofna ég yfirleitt innan fimm mínútna. Ekki eru ungarnir mínir heldur að farast yfir sjónvarpsleysinu, enda nóg til af dvd efni á bænum. Hugsa samt að ég reyni að fá einhvern í málið, alla vega fyrir jól

Ég er enn að brasa í að koma mér fyrir eftir flutninginn, skil ekkert í hvað þetta tekur langan tíma, hef líka verið á eilífu flakki síðan ég flutti. Á morgun er ég að fara í hárkollupartý með þrususkemmtilegum konum, og er ég búin að verða mér úti um forláta hárkollu til að spranga um með á mínu gáfaða höfði

Læt hér staðar numið að sinni, og býð góða nótt.