ÖL er BÖL

Enn ein sönnunin hvað Bakkus er óvæginn, ég geri í það minsta ráð fyrir að stúlkan hafi verið drukkin, þó það sé nú reyndar ekki tekið fram í fréttinni. Mér persónulega finnst þetta bara sorglegt, og ég finn til með stúlkunni, það verður örugglega ekki gaman fyrir hana að mæta fyrir dóm eftir tvö ár, þá orðin 18 ára gömul og pottþétt þroskaðri, heldur en hún er í dag. Það munar nebbla mikið um 2 ár í þroska á þessum aldri. En jamm, jamm, munum bara að ÖL er BÖL, en ekki innri maður.

Skvetti áfengi framan í lögreglumann

Hrikalega sorglegt

Hrikalega sorglegt  Ótrúlegt! Að láta sér detta í hug að æsa upp tígrisdýr! Annars get ég ekki annað en fundið til með mönnunum, þetta hefur náttla átt að vera græskulaust gaman hjá þeim, dómgreindin fer hins vegar veg allrar veraldar, þegar menn eru búnir að setja í sig hugbreytandi efni, hverju nafni sem þau nefnast, það skiptir ekki nokkru máli hvort það er hass, kókaín, amfetamín, áfengi eða eitthvað annað, öll efni sem breyta huganum eru stórhættuleg og í mörgum tilfellum valda þau óbætanlegum skaða.

Ógnuðu tígrisdýri í dýragarði

Sorglegt

Blessaður karlinn, ekki náði hann nú háum aldri, enda hafði hann það oft skítt, og slíkt fer illa með fólk eins og allir vita. Ég mætti í Laugardagshöllina samviskusamlega að horfa á snillinginn tefla við annan snilling, Borís Spasskí árið 1972, þá tólf ára gömul. Ekki var það samt svo að ég hefði brennandi áhuga á skák, heldur var  þetta einvígi allt sveipað einhverjum ævintýraljóma og við vinkonurnar mættum oft og iðulega, og stemmingin var gríðarleg. Þessi upplifun mín hefur alltaf sitið föst í minningunni, og mér finnst eins og ég hafi bara alltaf þekkt þá, Bobby Fiscer og Borís Spasskí.

Blessuð sé minning hans, ég vona að hann hafi dáið sáttur við allt og alla.

Bobby Fischer látinn

Slæmur dagur.

Mikið svakalega er ég fegin að þessi dagur er á enda, hann er búin að vera alveg virkilega slæmur, kannski ákvað ég bara að gera hann slæman. Ég hef val, og ég þarf ekki að láta líðan og hegðun annarrar manneskju hafa þessi áhrif á mig, en einhvernvegin á ég svo óendanlega erfitt með að láta þessar aðstæður ekki stjórna of miklu í mínu lífi. Ég veit fullvel að ég er ekki að gera rétt, en stundum er mér nokkuð sama, og það er það sem mér finnst svo vont. Það er svo ömurlegt að geta ekkert gert, það virðist bara ekki vera neitt í veröldinni sem getur hjálpað fólki, sem ekki vill þiggja neina hjálp.

Ég ætla svo sannarlega að gera mitt besta til að morgundagurinn verði góður, mitt er valið, lífið er það sem ég geri úr því, stundekki þær aðstæður sem okkur er ætlað, og ekkert við því að gera.

Það sem ég hugsa, það sem ég geri og hvernig ég hegða mér, hefur gríðarleg áhrif á ástandið í heiminum. Þess vegna ætla ég strax að byrja að horfa á björtu hliðar lífsins og leita eftir hinu besta í hverju tilviki sem kemur upp.  Ég verð að vera fús til að halda áfram, sama hve erfið eða óviðráðanleg virðist vera fram undan. Það gæti jafnvel verið nauðsynlegt að aðstæður versni, áður en þær geta lagast. Ég ætla að vera viss um að allt muni verða í lagi og allt muni ganga upp á endanum.

Gangið í gleðinni, kæru vinir.

Kærleikskveðjur til allra.

um skiljum við

Dá ekki ráðalaus

Merkilegt nokk að kalinn hafi þó lifað þetta lengi, búinn að sukka mest alla ævina, frábært þegar fólk kemur með svona fáránlegar réttlætingar á neyslu sinni, æji! Ég neyddist nú bara til að fara í kókið, til að ná að halda mér vakandi í erfiðum tónlistarferðum, það var svo sem ekkert annað í stöðunni, eitthvað varð maðurinn nú að gera til að detta bara ekki út af í miðju lagi, já hann dó sko ekki ráðalaus hann Ike.

Ike Turner lést vegna ofneyslu kókaíns

Afspyrnuleiðinleg kvikindi.

Aldrei hef ég skilið að trúðar eigi að höfða til barna, fyrir það fyrsta geta þeir varla talist fyndnir, láta alltaf eins og þeir séu vitlausari en allt sem vitlaust er. Þegar ég var krakki horfði maður á Billy Smart, sælla minninga ár eftir ár eftir ár, og mér fannst trúðarnir alveg yfirgengilega leiðinlegir, svo líta þeir líka út fyrir að vera annað hvort öskureiðir eða svo átakanlega sorgmæddir að það er engu lagi líkt. Sem sagt mér finnst trúðar með algjörlega misheppnað skopskyn, mér finnst þeir eiginlega vera lítið annað en umbúðirnar, sem eru allt of íburðarmiklar og ýktar, þeir eru barns síns tíma, og varla það.

Börn eru hrædd við trúða

Halldór og Jónas frá Hriflu.

Ekki er ég hissa á að fólk hafi áhuga á Halldóri, enda var hann mikill snillingur.

Þetta hafði Halldór að segja um Jónas frá Hriflu.

Jónas frá Hriflu er nokkurn veginn gersneyddur hæfileikum til að rita um skáld og skáldskap, til þess er þekking hans of grunn, hugsunin of hversdagsleg, penninn of sljór. Hann kann ekki að sérkenna hlut, heldur flýtur allt fyrir honum, hann sljóvgar í stað þess að hvessa, fletur í stað þess að ydda, banalíserar í stað þess að karakteríséra. Ef hann ætlar að lýsa einhverju, sem honum þykir mikils um vert, verða útþvældustu glósur málsins að einskonar ,,óbilgjarni klöpp", þar sem hann stendur fastur. Þegar frá er tekinn hæfileiki Jónasar til að skrifa níð og andstyggð um fólk í Tímann, þá verður eftir aðeins ofur hversdagslegur, lítið upplýstur barnakennari sem þjáist af allskonar vankenndum og þar með óhamingjusamri löngun til að færast þá hluti í fang sem eru honum um megn.

Smá viðbót um álit skáldsins á Jónasi frá Hriflu.

Ég þekki ekki það skarn sem ég vildi ekki heldur  þvo af höndum mér en meðatkvæði slíks manns.

Mikill áhugi á Laxness

Miskipt gæði.

Játs! Hrikalega er ævin aum sum staðar í henni veröld, að hugsa sér að kuldinn geti bara orðið svona mikill. Og svo býr vesalings fólkið í lélegum húsum og sumir í neðanjarðahreysum og enn aðrir búa á götunni. Ég er sko steinhætt að kvarta yfir Íslensku veðráttunni, enda bý ég í hlýju húsi á hlýja sæng, og kássu af hlýjum fötum. Mikið vildi ég óska að öll mannanabörn gætu notið lífskjaranna sem við Íslendingar höfum.

Spáð 55 stiga frosti

Of afkastamikill.

Ja há! Það skyldi þó aldrei vera að Sigursteinn hafi verð of afkastamikill og duglegur, hans skarð verður vandfyllt, þetta uppþot er svo sannarlega vatn á myllu ráðamanna. Þeir eru því miður fáir formennirnir sem starfa af slíkri hugsjón og Sigursteinn hefur gert. Hann kom meðal annars geðsjúkum út úr skápnum ef svo má að orði komast, alla vega hafa fordómarnir eitthvað minnkað gagnvart þeim, þó enn vanti mikið upp á. Ég vona bara af öllu hjarta að deilurnar innan ÖBÍ, leysist sem allra fyrst. ég held að ÖBÍ hafi alls ekkert efni á svona vandræðagangi, einnig held ég að við höfum ekki efni á að missa Sigurstein Másson.

Öryrkjabandalagið missir máttinn

Sakavootorð fyrst.

Er eitthvað stórmál að fara fram á sakavottorð áður en útlendingum er hleypt inn í landið? Ég veit ekki betur en íslendingar séu krafðir um það á sumum vinnustöðum hér á landi.

Með brotaferil í heimalandi sínu