Bara banna allt saman?

Æjjj! Alveg væri mér sama þó það yrði bara bannað að sprengja, nei ég segi nú sí sona, þetta er eitthvað sem strákar og sumir fullorðnir karlmenn beinlínis elska, sjálf á ég tvo stráka, annar er á sprengjualdrinum en hinn löngu komin yfir flugeldaáhuga, dóttirin hefur aldrei verið hrifin af rakettustandinu frekar en móðirin. Svona eru nú kynin ólík alveg frá frumbernsku, rétt eins og litli ömmusnúllinn minn er nú farin að keyra bíla og burra með, ekki nema rétt eins árs snáðinn. Það skiptir ekki nokkru máli hvað femínistar væla og skæla, stelpur eru og verða stelpur og strákar eru og verða strákar.

Miðnæturbomban innkölluð

Nú er glatt

Nú er ég klædd og komin á ról, já já alltaf er mar nú jafn morgunhress..........NOT......Hvað um það, ég ætla að hjálpa snúllunni minni að bera út fréttablaðið, af því að veðrið er svo ógislega púkó. Síðasti dagur ársins, þá gera margir svona uppgjör eða annál, ég nenni því samt ekki. Ekki að svo stöddu alla vega, þessum síðasta degi ársins ætla ég að verja í að elda risastóran kalkún, það eru miklar sérímoníur hjá mér, og athöfnin er nánast heilög við kalkúnar hanterringuna. Ég sný honum í tíma og ótíma, sprauta hann og smyr, þetta tekur um það bil 8 klukkutíma, það er líka alveg sérstakur stemmari yfir þessu öllu saman. Þessu er svo ekki lokið fyrir mér fyrr en ég heyri gesti mína umma yfir því hvað hann sé lang lang bestastur

Já já svona er maður nú klikkað'ur, en það er nú samt betra að vera klikkaður heldur en leiðinlegur, ekki satt?

Þetta líst mér vel á

Þetta líst mér vel á, það er ótrúlega árangursríkt að losa sig við slæmar minningar,gremju og neikvæðar tilfinningar, það þarf reyndar ekkert að tæta þær niður, alveg nóg að eiga gott box sem við opnum bara til að láta í það allt sem neikvætt er í fari okkar eða það sem veldur okkur vanlíðan, loka því svo aftur og setja á sinn stað þar til næst. Það er líka gott að eiga annað box, ágætt að hafa það hjartalaga eða alla vega hafa það fallegt, það ættum við að opna til að ná okkur í góðar tilfinningar og jákvæðni. Ég hef tröllatrú á svona löguðu, það er eitthvað svo gott og jákvætt að hlutgera eða gera athafnir sem þessar táknrænar. Það virkar.

Slæmar minningar tættar í sundur

Smánarblettur

Það má sjálfsagt endalaust deila um hvar á að bæta og hvar á að skerða, þó held ég að Guðlaugur sé að ráðast á garðinn þar sem hann er lægstur með því að hækka komugjöld elli og örorkulífeyrisþega. Einnig myndi ég vilja sjá breytingar í sálfræðigeiranum, mér skilst reyndar að til standi að gera eitthvað í þeim málum, og hefði átt að vera löngu búið. Einn tími fyrir barn "og sjálfsagt fullorðna líka" kostar 7.500 kr. Mörg börn þurfa að koma í hverjum mánuði í sálfræðiviðtal, það gerir 90.000 yfir árið, og það eru því miður margir sem hafa einfaldlega ekki efni á þessari þjónustu, það er meira en helmingi ódýrara að fara til barna og unglinga geðlæknis, en þeir hins vegar vísa í mörgum tilfellum á sálfræðingana. Tryggingastofnun tekur engan þátt í sálfræðikostnaðinum eins og málin standa akkúrat í dag. Það er svo sannarlega löngu tímabært að heilbrigðisyfirvöld fari að feisa og viðurkenna andlega sjúkdóma, börn og unglingar veikjast líka af slíkum sjúkdómum eins og dæmin sanna, BUGL er í fjársvelti og hefur alla tíð verið, að fárveik börn og unglingar skuli þurfa að bíða á skammarlega löngum biðlistum eftir hjálp er smánarblettur á velferðaríkinu Íslandi.

Börn greiði ekki komugjöld

Skemmileggjarar

Mikið lifandis skelfingar ósköp er að vita! Ég skil ekki þessa skemmdaráráttu alltaf hreint, því er ekki bara nóg að freta þessum prikum upp í loftið og láta þar við sitja. Skemmileggjararnir finna sér sér ávalt eitthvað til að svala skemmdarþörfinni, skelfing hlýtur þeim að líða illa ræfilstuskunum.

Skemmdarverk með flugeldum

Andvaka

Hellú! Ég ekki sofið svo ég sit bara í tölvunni og borða klukkunammi "After Eigh" ekki slæmt hlutskipti það. Sorglegt hvað er spáð miklu roki á gamlárskvöld, fólk á ferð og flugi út um allar trissur. Fyrir nú utan hvað það er óskemmtilegt að skjóta upp rakettum í drulluveðri.Sjálf verð ég með slatta af matargestum og hreyfi mig ekki út úr húsi ótilneydd. Enda verð ég að passa hann Polla minn vel þar sem hann er með svo pínu lítið hjarta þessi elska.

Alveg ferlegt hvað landinn er sprengjuóður og hvað það eru margir dagar sem maður verður helst að halda hundunum sínum inni, og auðvitað köttum líka. Blessuð dýrin hafa ekki hugmynd um hvað er í gangi á meðan verið er að frussa þessu dóti upp í loftið. Ég vil nú samt ekki gefa honum Polla mínum róandi, hann er svo lengi að jafna sig á ´soliss löguðu, finnst það hreint ekki á hann leggjandi. Ég sit barasta með litla snúllan minn í fanginu inn á litla klói, því þar er enginn gluggi, að minnsta kosti meðan mestu lætin ganga yfir.

Tja ætli mann reyni ekki að sofna í hausinn á sér.

Góða nótt og sofið rótt kæru vinir.

 

Brjálaða Gamlárskvöld

Jæja þá styttist árið óðum í annan endann, sprengjusérfræðingar stórir og smáir eru farnir að hita upp fyrir kvöldið mikla. Allt á að vera svo æðislegt og allir ætla sko að sletta hressilega úr klaufunum, en því miður verður raunin oft önnur, síðasta kvöld ársins stendur sjaldnast undir væntingum. Sumir eru orðnir helst til málgefnir fyrir skaup og blaðra tóma steypu yfir sjálfu áramótaskaupinu sem svo aftur verður til þess að þeir sem enn eru þokkalegir missa af fyndnu bröndurunum, ef einhverjir eru, þá sturta þeir bara alminnilega í sig svo þeir geti nú sagt þeim málgefnu ærlega til syndanna.

Svo upphefjast miklar rökræður um eitthvað sem engu máli skiptir, raus, raus, raus, tuð, tuð, tuð, allir orðnir moðfullir og drepleiðinlegir. Hurru hva ert þúúú að rífa kjafft þanna vitliþingurinn þinn? Þegiðþú nú þanna þilliibyttan þín og ðeyndu baða að veða ekki alltaf að eyðileggja ðþemminguna anna ðþíflið itt.

Váááá! Klukkan allt í einu orðin tólf, allir út að sprengja flottu og rándýru terturnar sínar, Langerði Hallbrók og vinkonur hennar, svo náttla bara heldur djammið áfram eitthvað fram á nýjársdag og sonna.

Nei nei, enga svona vitleysu takk, alla vega ekki hjá minns, við ætlum sko að skemmta okkur án söngvatns og leiðinda þessi áramótin, við höfum hugsað okkur að gúffa í okkur kalkún með tilheyrandi, svo kemur Systan mín með sína heimsfrægu áramótabombu sem við slöfrum í okkur, smjatt, smjatt, slurp, slurp, slurp, uppskriftin er fjölskylduleyndarmál svo ég get ekki gefið hana upp enda væri hún þá ekki leyndarmál, en ég get sko sagt ykkur það að góð er hún, hún er eiginlega ósvífnilega góð og flott í laginu , hún er svona eins og Hallgrímskirkja að lögun en ekki alveg eins löng, samt næstum því.

Mig langar mest til að kyssa essa köku, af því að hún er bara bestust og langflottust. Skyldi maður vera í lagi? svaka skrif um eina fo..... köku. Nei nei ég er ekkert í lagi, og hef aldrei reynt að halda því fram........

En góða nótt og sofið rótt, kæru vinir.

Varla Kolla

Nú vandast málið, sætasta femínan  hux, hux, hux, ég held að allir geti verið sammála um að Kolbrún Halldórsdóttir verði ekki hlutskörpust í þessari deild. Aumingjas Kolla kellingin hefur ekki snefil af húmor, hvorki fyrir þessu né öðru, kanski skiljanlegt að hún sé hálffúl vermandi botnsætið í fegurðasamkeppninni uhu!uhu!hu. Annars finnst mér nú að Ómar ætti að reyna að dobla gellurnar úr spjörunum, eða sko fá þær til að sýna sig í sundbolum, svona svo mann geti nú valið þá flottustu, nei nei bara djók. Þær eru allar svo sjúklega sætar, já ég myndi bara velja þær allar og líka Gerði Önudóttur, hún er nú ekkert síðri en hinar.

Fegursti femínistinn valinn

Moggabloggarar versla ekki á útsölum

Jamm og jæja! Ekki ætti þetta að koma okkur Frónbúum á óvart, Íslendingar hafa nú ekki vílað það fyrir sér hingað til að norpa úti í kulda og trekki, bíðandi í löngum biðröðum ef útsölur eru annars vegar, hins vegar kannast fáir við að versla á útsölum ef þeir eru spurðir, soldið einkennilegt finnst mér, að minnsta kosti versla moggabloggarar alls ekki á útsölum "trúlegt" eða hvað? Ég versla oft á útsölum og skammast mín ekkert fyrir það, mér finnst meira að segja ekki erfitt að viðurkenna það, samt sem áður hef ég ekki enn gengið svo langt að bíða í biðröðum eftir að búðin opni "ekki alveg ég" ég get líka viðurkennt að hafa gjörsamlega misst mig í útlandinu og verslað hressilega yfir mig, er vaxin upp úr því rugli sem betur fer, maður væri tæplega sannur Íslendingur ef mann hefði ekki tekið þátt að moka inn slatta af fötum úr útlöndunum, samt voða gott að geta hlegið af því í dag og gert soldið grín af sjálfum sér, vitandi að maður gerir ekki sollis vitleysu lengur.

Þrjár konur féllu í yfirlið á útsölu Next

Ölmusulufsur

Úllala! Ég bíð spennt eða þannig, hvaða glaðning ætli stofnunin hafi fyrir mig árið 2008? Ætli þeir meti mig sem sjálfstæða manneskju eða þarf ég að vera háð maka mínum áfram hvað laun varðar ? Það verður án efa fróðlegt að sjá hvað TR ætlar að bjóða okkur ölmusulufusunum upp á, eina sem þeir virðast færir um að gera, er að taka aurinn úr einum vasanum og færa hann í annan vasa, ekki reikna ég nú með einhverju gáfulegu frá þessari stofnun af fenginni reynslu.

Lífeyrisþegar fá greiðsluáætlun í janúar