Hallæriskeppni

Ekki get ég sagt að ég sé spennt fyrir þessari hallæriskeppni, ég missti áhugann eftir að gleðibankinn, hinn eini sanni sló ekki í gegn í Noregi.  Ég og æskuvinkonur mínar sátum saman laugardagskvöldið 3 mai árið 1986, við vorum í alvöru talað 100% vissar um að ICY flokkurinn væri að fara að taka þetta með miklum yfirburðum, en annað kom nú heldur betur á daginn, 16. sæti, takk fyrir. Vonbrigði okkar áttu sér engin takmörk, við bara sátum sem lamaðar, og hneyksluðumst mikið yfir smekkleysi Evrópuþjóða. Ég hef hreint ekki borið mitt barr allar götur síðan, þannig að ég legg mig ekki fram um að fylgjast sérstaklega með keppninni eftir þennan örlagaríka dag í mínu lífi, þetta er líka eini dagurinn og kvöldið sem ég man greinilega, eftir að Íslendingar fóru að taka þátt, eftir að við vinkonrnar höfðum huggað hvor aðra lá leið okkar í Þórskaffi þar sem við svo drekktum sorgum okkar fram á nótt.

Vonir og væntingar í Evróvisjón

Skiljanlega

Skiljanlegt að blessaðir ríkisbubbarnir vilji gera vel við litlu börnin sín, en fyrr má nú aldeilis fyrr vera, hestar fyrir hvítvoðunga og litasérfræðingur, mér finnst hins vegar stórsniðugt að ráða til sín nuddara og örugglega eitthvað sem á eftir að gera litlu krílunum gott. Ekki að manni komi neitt persónulega við svo sem, bara svona týpísk öfund í minni

Dýrar barneignir hjá Lopez og Anthony

Misheppnaðir listamenn.

Ég er svona að spá í hvort veggjakrotarar svo kallaðir eru bæði samvisku og siðlausir, að leyfa sér að skemma annarra eignir, bíla, fasteignir og bara það sem verður á þeirra vegi. Ekki eru þetta ólánsamir fíkniefnaneytendur í leit að verðmætum, svo þeir eigi fyrir næsta skammti, hvaða lið er þetta eiginlega? Og hvað ætli þau hafi út úr því að skemma eigur fólks sem þau jafnvel vita ekki einu sinni nein deili á? Alveg ótrúlega undarlegar hvatir sem hrjá þessa misheppnuðu listamenn

Veggjakrotsfaraldur í Hveragerði

Alveg dæmigert.

Alveg í anda ríkisstjórnarinnar að spara akkúrat þarna, dæmigert fyrir hana. Þvílík öfugþróun að heilbrigðisstarfsfólk hafi tæplega efni á að starfa í sínu fagi, þetta er einmitt fólkið sem að mínu mati ætti að hafa hæstu launin.

Sparnaðaraðgerðir vega að þjónustu Landspítala

Segir allt sem segja þarf.

Þetta segir allt sem segja þarf um dómskerfið á Íslandi. 2 ár fyrir að leggja líf þessara stúlkna í rúst, og 1,3 miljónir í miskabætur þeim báðum til handa, einn tími hjá sálfræðing kostar 7500 krónur. Er ekki komin tími á breytingar í þessum málaflokki? Ég bara spyr.

2 ára fangelsi fyrir kynferðisbrot gegn tveimur stúlkum

Skrípaleikur

Þetta er nú orðin meiri skrípaleikurinn, múslímar virðast vera algjörlega úr takt við allt og alla, það má ekki anda á þetta klikkaða ofsatrúarlið án þess að það setji allt á annan endann, ég er ekki að tala um alla múslima, heldur þá sem rangtúlka kóraninn, túlka hann eins og þeir vilja hafa hann. Persónulega held ég að þessir nöttarar séu andlega fatlaðir á höfði, og ættu helst heima inni á geðsjúkrahúsum.... En það er bara mín persónulega skoðun.

Mér finnst ofsatrúarfólk svo yfirgengilega úr takt við raunveruleikann, æðandi áfram í trúarvímu, einhvernvegin eins og að það sé á eilífum flótta frá sjálfum sér, talandi og talandi...bla bla bla bla bla,,, já þeir geta talað, og gera mikið af því, allt, allt of mikið.

Mynd um Islam og hryðjuverk kallar fram hörð viðbrögð

Hugrakkir þjófar

Ég held ég myndi nú stela einhverju öðru, svona ef ég væri á annað borð eitthvað að pæla í að stela einhverju. En þessir þjófar ráðast greinilega ekki á garðinn þar sem hann er lægstur, ég hef einhvernvegin á tilfinningunni að það sé heljarmikið mál að burðast með 1 stykki krókódíl svo lítið beri á 

 

Krókódíl stolið í Björgvin

Frábært framtak

Frábært framtak hjá atvinnubílstjórum, þeir eiga heiður skilið að mínu mati. Einhver verður að taka af skarið og gera eitthvað sem hugsanlega getur ýtt við yfirvaldinu, það eru allir búnir að fá nóg af taumlausri græðgi ríkisstjórnarinnar, vonandi að þeir drullist nú til að lækka þann kostnað sem þeir hirða af okkur í formi allskyns tolla og skatta á eldsneyti, ég vona líka að þetta sé bara byrjun á einhverju meiru sem koma skal, að almenningur sætti sig ekki við vinnubrögðin sem ráðamennirnir bjóða upp á í dag....

Sátt náðist í Ártúnsbrekku

Ofboðsleg hamingja

Mikið ofboðslega hlýt ég þá að vera hamingjusöm manneskja, ef ég miða við allt nammið sem ég borða, eða óhamingjusöm miðað við hvað ég er sjúk í nammi

Heilinn skynjar sætabrauðið

Betlarar

Ja há! Ég ætti nú ekki annað eftir, styðja þennan silkisokk, ég trúi ekki að nokkur sæmilega greindur einstaklingur láti hafa sig út í svona kjaftæði.

Það væri nær lagi að styrkja mig, ég er fórnalambið en ekki Hannes lúði, ég gæti alveg þegið styrk, það er margt sem mig vanhagar um, eins og til að mynda nýjan bíl, íbúð, ferð eitthvað út í heim, "báðar leiðir" og margt margt fleira. Hannes ætti bara að hafa vit á að halda sínum stóra kjafti saman, það fer honum líka best og þá þyrfti hann heldur ekki að vera að leika fórnalamb dauðans, og gera vini sína og velgjörðarmenn að hreinum og beinum betlurum.....Lúði!

Söfnun fyrir Hannes Hólmstein