Er Beta bytta?

Þetta er einmitt það sem ég hef alltaf haldið,
Beta Bjútí kvín er meira en lítið ölkær snáta,
dáldið léleg afsökun hjá hirðinni að mjöðurinn hafi átt að fara eitthvað annað, samt vissi ég ekki að skrukkunni dygði ekki minna en tólf kútar,
hún hefur líka örrgla átt von á drykkjufélögum sínum í heimsókn,
já það er sko ekki allt sem það er séð kóngaliðið

Beta fékk bjór

En heimilislegt

Ekki beint huggulegur félagskapur á dollunni í þessu húsi,
heppilegt að engir voru íbúarnir, slangan hefur greinilega etið yfir sig og endað í djúpum skít

Kyrkislangan stíflaði niðurfallið

Hvað með Árna Jonhsen?

Hvurslags eiginlega meinbægni er þetta eiginlega! Ég get ekki séð að manngarmurinn meigi ekki striplast á brókunum ef honum sýnist svo, betra ef íslenskir stjórnmálamenn væru svona frjálslegir í klæðaburði, það væri nú ekki dónalegt að sjá til dæmis Árna Jonhsen í G streng töltandi niður Laugaveginn, nú eða gaurinn þarna í Kópavogi, man ekki hvað hann heitir, bæjarstjórinn þarna Birgisson eða eitthvað, djöfull væri töff að sjá hann hoppandi í fullum nærklæðum um þveran og endilangan Ópavoginn, Ahaaaa!

Gert að segja af sér eftir dansatriði

Alvarlega sjúkur maður.

Mikið ofboðslega er þessi maður sjúkur, ég get ekki með nokkru móti ýmindað mér hvernig hægt er að vera svona hryllilega grimmur, mannvonskunni eru greinilega engin takmörk sett.
Það sem mér finnst svo óendanlega átakanlegt er að hann hafi komist upp með þetta í 24 ár, að hann hafi óáreittur getað svalað afbrigðilegum fýsnum sínum í fullkomnum friði fyrir umheiminum í meira en tvo áratugi. Ég ætla rétt að vona að hann sleppi aldrey út á meðal fólks þessi, þessi, já ég á bara ekki til lýsingaorð til segja það sem við á.

Nauðgað þrisvar í viku

Tjellingin mætt á svæðið.

Jæja tjellingin bara mætt á bloggið! Eftir góða pásu er ég sum sé mætt á svæðið aftur, bara gaman af því. Annars er nú ekki ýkja mikill tími sem ég hef í sollis lagað þessa dagana. Flutningar framundan og bara verið að pakka og sansa. Ég fór með Polla minn í geldingu í gær, hann er eitthvað hálf aumur með kraga náttla og ég þarf að mata hann og gefa honum vatn með skeið, þar sem hann er ekkert voða sáttur með kragann. Við mæðgurnar ætlum að skunda í höfuðborgina að erindast snöggvast svo á ég von á frumburðinum og ömmusnúllanum í gistingu í kvöld, það tekur sko tíma að venjast því að þau séu flutt í borgina. Sigrún komin í háskólann þessi dugnaðar stelpa og litla fjölskyldan búin að koma sér fyrir á stúdentagörðunum í heilum 47 fermetrum. Ókey bæ bæ.

Frumskógur

Þetta er nú meiri frumskógurinn, allt svo útlendingastofnunin, mér skilst að maðurinn eigi barn hér á landi og hafi unnið heiðarlega fyrir sér, af hverju fær hann þá ekki að vera hér í friði eins og svo margir aðrir útlendingar? Þvílíkt endemis rugl alltaf hreint í þessum málum, utanríkisráðherra má sjálfsagt ekkert vera að því að sinna svona málum í sínu heimalandi, enda allt of upptekin við að glenna sig út um heim allan, skrítin pólitík segi ég nú bara, manneskjan rembist við að fá aðrar þjóðir til að semja frið en sinnir lítt um sína eigin þjóð, fuss og svei.

Mótmæla meðferð á flóttamanni

Hvað er málið?

Hvað er eiginlega málið? Allt reynir fólk að selja
og að sjálfsögðu eru einhverjir nógu klikkaðir
til að kaupa, að selja sálu sínu er eitthvað
sem ég skil ekki, þá hlýtur að vera hægt að
selja skapið sitt líka og gáfur sínar,
þá reikna ég með að maður geti líka selt heimsku sína
ég ætla einmitt að selja heimsku mína hæstbjóðenda,
það er verst hvað hún yrði ódýr því ég á náttla lítið
sem ekkert af henni, ekkert nema endalausar gáfur í mínum haus og þær tími ég nú ekki að selja.

Fékk 300 þús. fyrir sálina sína

Til hamingju flotta kona.

Til hamingju með daginn flotta kona, því miður fer svona kvenskörungum fækkandi, ég elska svona konur, það er eitthvað svo sjarmerandi við þessar elskur, ekkert væl enda búnar að lifa tímana tvenna og hafa pottþétt afrekað eitt og annað um ævina sem okkur nútímakonunum ekki svo mikið sem órar fyrir, það var aldeilis ekki mulið undir kvenfólkið á þessum árum, handþvottur, prjónaskapur, saumaskapur fyrir nú utan allt annað sem þessar konur höfðu á sínum herðum, eina "fríið" sem þær fengu var sængurlegan.....Já mér finnst að það ætti miklu frekar að segja grunnskólabörnum frá fólkinu sem var uppi fyrir 100-150 árum, skrifa kennslubækur um þetta tímabil í stað þess að vera sífellt að tönglast á einhverjum langbrókum og ofbeldisseggjum aftan úr grárri forneskju, mér finnst algjör óþarfi að vera að fylla börnin af einhverjum lyga og grobbsögum um forfeður okkar sem ekki voru beint til fyrirmyndar ef við göngum út frá því að Íslendingasögurnar séu sannar sem mér finnst reyndar ekki mjög trúlegt, samkvæmt þeim voru börn á leikskólaaldri farin að strádrepa fólk, ekki alveg bókmenntir að mínum smekk.

„Manni leið bara eins og glæpakvendi"

Sól, sól, sól!

Yndisleg tilhugsun að sú í gula kjólnum ætli að heimsækja okkur um helgina, Írskir dagar, sól og blíða og endalaus dásemd framundan.... Bara frábært, svo er um að gera að vera bjartsýnn og vona að hátíðin fari þokkalega friðsamlega fram, við ætlum að hafa grillveisluna á laugardaginn en ekki föstudaginn eins og flestir aðrir, allir að vinna til 6 eða 7 svo það er miklu þægilegra að færa herlegheitin aðeins til. Svo ætla ég að vera barnapía á laugardagskvöldið svo liðið komist nú á lopapeysuballið, ég hef ekki enn látið verða af því að mæta á umrætt ball, kannski einhvertímann seinna, hver veit? Það er svo mikið um að vera hérna hjá okkur um helgina að mann má hafa sig allan við að dandalast út og suður, geggjað mikið fjör á Skaganum allllla helgina..  

Hitabylgja um helgina og víða 25 stiga hiti

Hverjir eru hryðjuverkamenn?

Hvað er unnið með því að jafna heimili mannsins við jörðu?
Því ekki að refsa manninum og láta börnin hans og konuna hans í friði? Nær væri að aðstoða fjölskyldu hans sem ekki hefur gert neitt af sér? nema þá að vera fjölskylda hans sem virðist gera þau að glæpamönnum, ég þoli ekki svona óréttlæti, það er því miður allt of oft sem menn tapa sér af hermdarþorsta og hefna sín á saklausu fólki, ég get ekki séð að forsætisráðherra og varnarmálaráðherra Ísraels séu eitthvað skárri en réttir og sléttir hryðjuverkamenn, bara sorry......Ekki skrítið að allt sé í rugli og hinn almenni borgari beri ekki mikla virðingu fyrir mannslífinu, ekki eru skilaboð yfirvalda til fyrirmyndar í þessum heimshluta.
Réttlætiskennd er greinilega ekki hátt skrifuð hjá þessum gaurum, drepa og skemma það er það sem þeir kunna og hafa gaman af, því miður. 

Hús Palestínumanns jafnað við jörðu