Þvílík hneisa.

Ég get ekki orða bundist enda er ég algjörlega yfir mig hissa og hneyksluð á hvað pissudúkkurnar sem ráða lögum og lofum í þessu landi eru gjörsamlega steindauðar úr öllum æðum, af hverju og í ósköpunum er ekki hægt að borga alla þá læknisaðstoð sem þessi litla stúlka þarf á að halda? Það er nú ekki eins og þessir kandídatar séu alveg skítblankir þegar þeir eru að dandalast út um allan heim með skattpening okkar landsmanna, ausandi peningum hægri, vinstri, svo tala þeir um landkynningu!
Mér finnst alla vega ekki góð landkynning að tíma ekki að borga lækniskostnað fyrir fárveikan landa sinn, sem er lítið saklaust barn.
Mér verður hreinlega óglatt.

Fólk leiti annars álits

"skemmtanahald"

Alveg er þetta "skemmtanahald" orðið skelfilegt hér á landi, það virðist snúast um heppni hvort fólk tínir lífinu í þessu rugli, mér líst hreint ekki á þessa ömurlegu þróun sem því miður er að verða daglegt brauð hérna hjá okkur, ég kemst heldur ekki hjá því að taka eftir að í mörgum tilfellum eru það útlendingar sem í hlut eiga, þó Íslendingar séu langt í frá einhverjir englar, spurningin er bara hvort við eigum ekki fullt í fangi með ofbeldisfulla Íslendinga, best væri að sjálfsögðu að hætta að flytja inn glæpalýð frá öðrum löndum, að minnsta kosti á meðan við höfum enga stjórn á okkar eigin glæpalýð.

Blóðug árás í Þorlákshöfn

My ass!

Ekki kannski frétt, eða hvað?
Við getum þó örrgla flest verið sammála um
draumar okkar mannfólksins eru fjölbreytilegir,
suma dreymir stóra drauma, aðra ekki,
dæmi svo hver fyrir sig hvort þessi bandaríska kona
átti stóran draum eða lítinn.
Klappstýra! MY ASS!

Stal nafni dóttur sinnar

Bara blikka.

Bara að blikka afgreiðslufólkið og málið er dautt.
Þessi þróun fer nú að verða skuggaleg.

Heyra greiðslukort brátt sögunni til?

Gat nú skeð!

Vissi ég ekki! Þeir sleppa alltaf
billlegra en við þessir kallar,
annars leggur Guð ekki þyngri byrðar á okkur en við þolum.
Þess vegna þurfum við að bera þyngri bagga en karlkynið.
svo einfalt er það nú.

Konur dreymir verr en karla

Sunnudagshugleiðingar móður

Sunnudagsmorgun og mín komin á ról fyrir 7, hvað er að ske?
Já og meira að segja bara bráðhress og til í allt, eða sonna næstum allt. Dóttirin var að koma heim eftir djammferð úr borginni, borginni sem ég er fædd og alin upp í, mér finnst æskustöðvarnar alltaf verða meira og meira framandi eftir því sem árin líða, enda kannski ekki ýkja margt sem minnir á Reykjavíkina í dag og Reykjavíkina sem ég ég ólst upp í.
Þá fóru við krakkarnir í mjóddina á skauta og í útilegur með tjald og tilheyrandi. Þar byggðu við líka heilu kofaþorpin, vááá! Svo voru farnir ófáir berjatúrarnir alla leið upp í Seljahverfi

Já já maður er sko farin að hljóma eins og gömul kelling, sem ég er alls ekki.
Annars var ég svoooo fegin þegar heimasætan kom heim, hún fór á bílnum mínum "okkar" greinilega ekki minn einkabíll lengur, en þær fóru vinkonurnar sum sé að skoða næturlífið í borginni. Það er erfitt að sleppa þegar börnin manns eiga í hlut, ég reyndi árangurslaust að fá hana ofan af því að fara af því að mér fannst veðrið svo vont og af því að það var myrkur og bara af því að ég er alltaf svo skíthrædd um mína yndislegu unga, en auðvitað spjaraði snátan sig, nema hvað.

Hún verður nú samt örugglega dáldið sybbin í vinnunni þessi elska, enda ekki langur lúr sem hún fær. Haukur Leó minn yndislegi ömmusnúlli fór heim með pabba sínum í gær, það er alltaf jafn himneskt að hafa litla kútinn, honum leiðist nú ekki heldur hjá ömmunni sinni og var ekkert á því að fara heim. Við fórum að sjálfsögðu í kaffi og með því hjá langömmu og langafa í gær, þeim stutta leiddist það aldeilis ekki heldur.

Ég á svo að mæta með hann Snorra minn hjá sála á morgun, ekki alveg það skemmtilegasta sem hann gerir það vita þeir sem hann þekkja að honum finnst ekkert afspyrnu gaman að ræða við fólk, og gildir þá einu hvort hann þekkir viðkomandi eitthvað persónulega. Vona bara að þessi kona komist að einhverri niðurstöðu, það er í vinnslu hvort hann verður settur á lyf við athyglisbrest sem myndu líka hjálpa í sambandi við félagsfælnina, ég er samt algjörlega á móti þunglyndislyfjum fyrir hann enda búið að prófa þann pakka.

Svo er það tölvufíknin sem á að taka á, það verður erfitt en mig hlakkar samt til að takast á við það með honum. Læknirinn hans var að fá umsókn frá 2 sálfræðingum og einum lækni um strákinn minn, sem segir kannski soldið mikið, umsögnin hljóðaði upp á akkúrat það sem ég vissi fyrir fram, þau voru engu nær og komust ekki að neinni einni niðurstöðu sem er alls ekki skrýtið af því að hann Snorri minn er ekki alveg að tala yfir sig, svo dulur strákurinn, og ekki beint að opna sig fyrir ókunnuga, ég er sú eina sem hann talar við eitthvað náið og ekki er það þó mikið sem ég næ upp úr honum. En ég set allt mitt traust á þennan nýja sála, hún er sérfræðingur í erfiðum einstaklingum svo ég er bara bjartsýn.

 

Misjafn er smekkurinn

Misjafn er smekkur okkar mannanna, sem er náttla eins gott. Það liti hálfkindarlega út ef allir hefðu sama smekkinn, en svona í óspurðum fréttum langar mig að deila minni skoðun á gaflara ársins, jafnvel þó ég þekki hann ekki persónulega þá hef ég ekki komist hjá því að verða vör við hann í gegnum tíðina.
Mér finnst hann sum sé frekar leiðinlegur músikant, einnig hefur mér oft fundist hann yfirborðskenndur og hrokafullur, hann er líka eitthvað svo mikið vonabí heimsfrægur karlgarmurinn.
Ég á ekki einu sinni eitt uppáhaldslag með BóBó  margir af hans frægu smellum finnst mér alveg hrútleiðinlegir.
Samt sem áður til hamingju með titilinn Bó

Bó Halldórs er Gaflari ársins

Hvar er umburðarlyndið?

Bloggarar liggja aldeilis ekki á skoðunum sínum þegar svona nokkuð kemur upp, mér er gjörsamlega fyrirmunað að skilja hvað fólk getur verið illgjarnt í garð fólks sem það þekkir akkúrat ekki neitt, sjálf þekki ég ekkert til þessa manns né annarra sem þarna voru að mótmæla, enda dettur mér ekki til hugar að drulla yfir þau eða hefja þau upp til skýjanna.

Hvernig væri nú samt sem áður að sýna þó ekki væri nema smá umburðarlyndi gagnvart þessu fólki, að minnsta kosti þar til ljóst er orðið hvort þau hafa eitthvað brotið af sér.

Ég finn til með þeim, auðvitað líður þessu fólki illa enda sjálfsagt búið að þola miklar hörmungar í sínu heimalandi.

Það kostar ekkert að rækta með sér náungakærleika og umburðarlyndi til handa þeim sem eiga um sárt að binda.

Hælisleitandi mótmælir

Jólagjöfin í ár.

Pleó er jólagjöfin í ár, gæti ég trúað í það minnsta, sem minnir mig á að einu sinni voru mín börn lítil og alltaf var eitthvað kvikindi nýkomið á markaðinn sem mitt smáfólk þurfti að eignast í einum grænum, eitt sinn voru það pokímon, þá öglý eitthvað, apaskott með fæðingarvottorð og skírnarnafn upp á vasann, sýndargæludýr sem ekki voru stærri en eldspítustokkur, þau gáfu nú samt sem áður frá sér hin ýmsu hljóð, grenjuðu, hlóu og ég veit ekki hvað og hvað, gremlins, körfuboltamyndir, pox, spise girls glös, diskar, myndir, peysur, bolir og meira að segja nærbrækur, já sú var tíðin að mín dama fór ekki út úr húsi öðru vísi en í kryddpíu alklæðnaði, svo voru það anorexíudúkkurnar "Brads" sem betur hefðu aldrei verið framleiddar, þau voru miklu fleiri kvikindin sem öll börn urðu að eignast á þessum árum, minni mitt er bara orðið svo gloppótt að ég man ekki hvað allt þetta drasl hét, þó var þetta hátíð miðað við annað tímabil sem rifjaðist upp fyrir mér, en það voru sko alvöru gæludýr, hamstrarnir trónuðu efstir á vinsældarlistanum um árabil með öllum sínum kostum og göllum, einn dó úr krabbameini annar úr elli og fleira í þeim dúr og allir voru þeir jarðaðir með viðhöfn í garðinum, svo voru það fuglar, fiskar, froskar, kisa, hundur....... >>Já einmitt nú erum við barasta 4 í heimili, 2 unglingar, 1 mamma og einn hundur, ég held svei mér þá að það hafi alltaf verið einhver gæludýr á þessu bráðskemmtilega heimili mínu.
Þó gengu krílin of langt fyrir nokkrum árum þegar þau þegar þau tóku upp á að bjarga músum í stórum stíl úr klóm heimiliskattarins, þau nebbla létu ekki nægja að bjarga músunum heldur voru þær teknar í hjúkrun og búið um þær  ýmis í hamstrabúri eða skálum og þeim gefið að borða, svo voru kvikindin falin í herbergjum barna minna.....þar til ég fann þær mér til mikillar hrellingar...omg! Man hvað ég öskraði þegar ég fattaði trixið hjá krökkunum.

Pleo seldist upp í Danmörku

Ekki kreppa!

Ekki kreppa segir Gorgeir! Hum ég er ekki alveg að skilja kallinn, að minnsta kosti segir mín budda að hér ríki hálfgert kreppuástand, ég hélt að svona mikil verðbólga þýddi KREPPU.
Það er nákvæmlega sama hvar borið er niður, allt hefur hækkað óþyrmilega í þessu landi.
Að reka eina bíldruslu er orðinn hinn mesti munaður, að kaupa í matinn er nú ekki beint billegt, svona væri endalaust hægt að halda áfram, að hafa þak yfir höfuðið kostar ekki lítið heldur, þetta kerfi okkar hér á klakanum er ómanneskjulegt að allt of mörgu leyti,  mér segir svo hugur að þetta stjórnmálalið verði bara að fara að spýta í lófana og það STRAX.
Ég trúi ekki öðru en almenningur í landinu sé búin að fá sig fullsaddan af þessu andskotans fokki þarna á alþingi,  Gorgeir og hans hyski ætti að hafa vit á að taka hausinn út úr rassgatinu á sér og láta eitthvað standa eftir sig, ég er alla vega löngu orðin hundleið á aðgerðarleysi þessarar ríkisstjórnar og hana nú.

Ekki rétt að tala um kreppu