Heimskur maður?

Ótrúlega geta menn verið siðlausir og nautheimskir, haa var ég ekki á löglegum hraða? Greinilegt að þessi bjáni er algjörlega laus við allt sem heitir heilbrigð skinsemi, en eins og konan sagði: Enginn er eins blindur og sá sem vill ekki sjá.
Vonandi sér hann að sér þegar áfengisvíman rennur af honum og reynir að lifa þannig að útfararstjórinn verði líka hryggur þegar hann kveður. 

Ölvaður á 156 km hraða

Stuttur þráður.

Já þráðurinn er misstuttur eða mislangur í mannfólkinu, að nenna að æsa sig yfir svona smáræði er fyrir ofan minn skilning,
hvað er meint með að gaurinn hafi aðeins bragðað áfengi en ekki ástæaða til að skoða það nánar?
Einnig finnst mér skrítið að það eigi eftir að ákveða HVORT brugðist verði við upphlaupi mannsins með einhverjum hætti.
Að ógna öðrum með hnífi, já ég hefði nú haldið að það væri refsivert, en hvað veit ég svo sem? Öll erum við fáfróð, bara á mismunandi stigum.

Ógnaði ökumanni eftir árekstur

Sjálfbjargarviðleytni.

Um að gera að reyna að bjarga sér

Áfengi er eins og rökvísi- missir jákvæð áhrif sín
sé hún tekin í of stórum skömmtum.

Reyndi að róa Eyrarsundið eftir sumbl

Ekki mannleg.

Það er sem ég segji, mannvonskan og geðveikin virðast eingin takmörk þekkja, þvílík og önnur eins bilun! Það er alveg ótrúlegt hvað fólk getur látið sér detta í hug og þar að auki framkvæmt viðbjóðinn, ég get einhvernvegin ekki trúað öðru en þessi manneskja eins og allt of margir aðrir sé verulega brengluð í hausnum, eiginlega bara ómennsk......Það hlýtur að vera að svona fólk sé með eitthvað annað en mannlegt eðli, það er að minnsta kosti mín sannfæring.

Skar barn úr móðurkviði

Helsjúkir og illa innrættir.

Ég get svo svarið það! Hvað er upp í hausnum á svona liði eiginlega? Og hvað í veröldinni getur þeim gengið til? Að ætla sér að slasa börn sér til skemmtunar! mér finnst þetta svo sjúkt að ég get með engu móti gert mér í hugarlund hvers konar manneskjur eru þarna að verki, ég tel samt næsta víst að þessir vitleysingar hljóti að vera meira en lítið andlega fatlaðir á höfði og ættu ekki undir nokkrum kringumstæðum að ganga lausir út í þjóðfélaginu.

Gengu berserksgang í Laugardal

Letilíf

Hoj, hoj! Þá er nú lítið annað að gera en að blogga, konan rúmliggjandi og sonna, en vonandi ekki lengi, enda nenni ég ekki að liggja í rúminu þegar ég er svona hress samt betra að gera eins og læknirinn minn fyrirskipar, það er náttla best fyrir mig sjálfa þegar öllu er á botninn kvolt  

Undur og stórmerki áttu sér stað í gærkvöldi hér á Holtinu, ég sem sagt horfði á heila friends seríu, ótrúlegt afrek hjá mér, ég gerði meira að segja ekkert annað á meðan, bara horfði og horfði, endurtek glápið örugglega aftur í kvöld, finn mér eitthvað gott stöff að horfa á, nóg er nú til af myndum á heimilinu sem ungarnir mínir eiga, held svei mér þá að ég hafi sjálf aldrei keypt mér mynd, svo er annað og stærra safn til hjá frumburðinum svo nóg verður hægt að glápa á kvöldin, efast samt stórlega um að ég glápi mörg kvöld í röð ef ég þekki sjálfan mig rétt.

Annars hef ég það alveg geggjað gott, er bara eins og prinsessan á bauninni, sný krökkunum í kringum mig og dingla mér liðlangan daginn, ekki amalegt það sko.

Bæ, bæ þangað til næst

Æji krútt.

Æji krúttið! Vonandi leyfa þeir svíninu
að lifa áfram, það bara má ekki éta þetta
litla duglega krútt, sem er búið að
hafa svona mikið fyrir að halda lífi.

Svín lifði í 36 daga í rústum í Kína

Einmitt það sem ég hef alltaf haldið.

Já sæll! Ekki ætla ég að fljúga með Indversku flugfélagi þar sem pissfullir kallar stíra vélunum, ekki svo að skilja að það hafi eitthvað staðið til, bara að láta vita að það standi ekki til svo það sé nú á hreinu, annars get ég sagt ykkur að ég hef heyrt flugmann, sko rammíslenskan "flögmann" segja frá því að hann hafi oft stýrt flugvél áður en af honum rann alminnilega, og það sem meira er að hann sé aldeilis ekki einn um það, svo bara ræður fólk hvort það trúir mér eður ey.

Of margir fljúga fullir

Ísbjörn í Akrafjalli

Jamm, jamm, margir sjá hvítabirni í hyllingum þessa dagana, kannski ekkert skrítið þar sem allir eru að skima eftir böngsum út um allar jarðir. Svo bara sér fólk það sem það sem það vill sjá og í dag vill það einmitt sjá ísbirni, ekki hesta og alls ekki kindur og íturvaxna hrúta. Ég get svo svarið að ég sá ísbjörn upp í Akrafjalli í gær, ég lá nú barasta í sólbaði á meðan Polli minn hljóp upp og niður fjallið án þess að blása úr nös, enda er hann hundur en ekki kona eins og ég, og þar sem ég lá þarna í sakleysi mínu er mér litið upp í hlíðina fríðu og sé þá þessa líka drifhvítu skepnu hlunkast niður brattann og ég náttla gríp símann minn og hringi í 112, mér var svo illa brugðið að ég ætlaði varla að geta stunið upp erindinu, en það tókst þó á endanum og sá sem svaraði lofaði að senda sérsveitina í einum skíð logandi hvelli, enda ekki á hverjum degi sem hvítabirnir sjást við rætur Akrafjalls, ég hljóp svo eins hratt og fæturnir gátu borið mig að bílnum mínum og vonaði og bað að björninn næði nú ekki honum Polla mínum, um það leiti sem ég var að hlamma mér inn í bíl heyri ég sagt góðan daginn, Hvað? getur hann talað líka? Ó may God! Nei, nei hann getur auðvitað ekki talað, þetta var þá bara maðurinn sem var með Bjössa, já eða þá hundinum, en það skal tekið fram að þetta var sko engin smáhundur eins og hann Polli minn, sei, sei, nei! Þetta var hvítur, ja eða sonna gulur labrador. Maður getur nú tekið feil þegar mann sér ekkert fyrir sólinni sem skín alla daga, kannski ég hafi bara fengið snert af sólsting, já og séð ofsjónir annað eins hefur nú hent besta fólk, og líka mig

Bjarndýrsútkall í Langadal

Fagnaðarefni

Fagnaðarefni að íslendingur skuli hljóta viðurkenningu frá Vísindaráði evrópsku gigtarsamtakanna fyrir rannsóknir um sóragigt, ég er ein af þeim sem þjáist af þeim andskota, því miður virðist þessi sjúkdómur liggja í ættum, samt er engin mér nákomin með hana. Það verður fróðlegt að fylgjast með hversu ættlæg hún er, sjálf var ég að byrja á nýjum lyfjum og bind miklar vonir við að þau virki betur en þau sem ég var á áður, exemið mitt er að dofna til mikilla núna, sem er bara stórkostlegt það hefur fylgt mér síðan ég var unglingstrippi, alltaf einhverjir blettir, svo það er bara voða gaman hjá minns þessa dagana

Fær viðurkenningu fyrir rannsóknir á sóragigt