Mamma elskar fisk.

Móðir mín er mikill fiskaðdándi, svo mikill að manni hreinlega ofbýður nú stundum, hún tekur nebbilega fisk fram yfir kjöt og allt, hún myndi glöð vilja borða soðna ýsu á sjálfum jólunum. Þannig að fólk getur núna hætt að furða sig yfir mínum yfirburðagáfum, ég er nokkuð viss um að hún mamma mín hefur ekki slegið slöku við í fiskiátinu á meðgöngunni.

Aftur á móti er ég ekki nógu dugleg að borða fisk, finnst hann samt góður, það er að segja ef hann er góður, en soðin ýsa fer ekki inn fyrir mínar varir, alla vega ekki með mínu samþykki, borðaði hana þegar ég var krakki, stappaða með miklum kartöflum og slatta af tómatsósu....

Fiskur gerir börnin greindari

Ógeð!

Hræðilegt! Meðferð á dýrum er svo mikill viðbjóður að ég gæti öskrað  Hverslags fólk vinnur eiginlega við svona lagað? Örugglega mjög svo tilfinningasljótt lið, þetta fólk er örugglega algjörlega laust við að hafa samvisku. Að geta tekið þátt í að pína dýr eða fólk, er svo mikið sjúkt, en því miður virðist slíkt vera bara ósköp venjulegt hjá allt of mörgum.

Segja birni pyntaða í Kína

Frekja og hroki.

Stórt skap, eða frekja og hroki, mér finnst fólk allt of oft skýla sér á bak við stórt skap. Það er tvennt ólíkt að vera skapstór eða að vera að drepast úr frekju og mikilmennskubrjálæði. Margir frægir haga sér eins og allt snúist um þá, og þá eina. Þetta lið lifir og þrífst á athyglinni sem það vekur, sumum finnst líka neikvæð athygli betri en engin

Naomi Campbell laus gegn tryggingu

Orðinn þreyttur

Æji! Kallinn orðinn þreyttur, ég er svo sem ekki hissa á Ronnie, enda er gaurinn búinn að rúlla síðustu 33 árin ásamt hinum steinunum, ég hef fílað þessa töffara frá frá unga aldri, það fer engin í sporin þeirra.

Í dag eru þeir sannkallaðir ellismellir, en úthaldið! Ég væri sátt ef ég gæti státað af þó ekki væri nema broti af þeirra orku, þegar ég kemst á þeirra aldur. Ekki sýnist mér heldur að þeir hafi verið að ofnota lýtalæknana, eins og margir frægir ellismellir, ég byði nú ekki í ef Mike overdósaði á botoxinu, því eins og einhver sagði, maðurinn er með BARNSBURÐAVARIR

´´Eg elska þessa gaura..

Vill hvíld frá Rolling Stones

Fáránlegt.

Mér finnst fáránlegt að það geti verið geðþóttaákvörðun presta og forstöðumanna trúfélaga hvort þeim þóknist að staðfesta samvistir samkynhneigðra, nógu klikkað er að fólk megi ekki giftast í hinum heilögu kirkjum landsins þeim sem það vill giftast, hvort það er kona og karl, tvær konur eða tveir karlar, get ég ekki séð að komi prestum og prelátum komi það andskotann eitthvað við.

Ég gef lítið fyrir það  stendur í Biblíunni, sú bók getur bara ekki verið sönn.

Guð er góður, Guð gerir ekki mannamun og honum er slétt sama um hvort fólk er samkynhneigt, tvíkynhneigt eða gagnkynhneigt.

Það er að minnsta kosti mín sannfæring. 

Prestar geti staðfest samvist samkynhneigðra

Sorglegt.

Mikið rosalega eru svona mál hræðilega sorgleg á allan hátt, ég get ekki annað en haft samúð með þessari ólánsömu stúlku, ég efast einhvernvegin um að hún hafi gert sér fulla grein fyrir afleiðingum gjörða sinna. Það er svo dapurlegt að hugsa til þess að lífi barnsins hefði auðveldlega mátt mjarga, bara ef stúlkan hefði ekki fyllst þvílíkri örvæntingu, eða ef einhver henni nákomin hefði séð í hvað stefndi, og gert ráðstafanir í framhaldi af því áður en í óefni var komið.

Myrti nýfætt barn sitt

Ég elska H&M.

Ég beinlínis elska H&M  Þegar ég var á Spáni síðastliðið sumar verslaði ég eins og mother fokker í H&M og líka árið áður í London, það er svo yndislega þægilegt að versla í þessum búðum, um leið og ég kem inn sé ég alveg glás af flottum fötum sem mig langar í, ég þarf ekki að leita og leita um alla búð, þarna er einfaldlega allt sem mig langar í, eða alla vega næstum allt. Spurning hvar ég heimsæki H&M þetta árið, það verða örugglega einhverjar sniðugar kreppuferðir í boði, ég trúi bara ekki öðru.

Rei Kawakubo hannar fyrir H&M

Frekar fyrir nunnur og munka.

Ég er alveg rothissa á þessari frétt, hvað er eiginlega unnið með  geldingu? Ég hélt að það hafi bara verið gert í Rómarveldi fyrir margt löngu, og þá í þeim tilgangi að drepa niður kynhvöt, þegar Kali kúla og hans nótar voru með kvennabúr sem þeir létu svo geldingana passa.

Mér finnst þetta eitthvað mjög svo brenglað, að krakkar geti bara trítlað sér inn á heilsugæslu og beðið um eitt stykki geldingu takk.  Ekkert sérstakt ferli á undan, eins og sálfræðiráðgjöf, aldurstakmark og sonna.

Þetta ætti heldur að standa munkum, nunnum og síðast en ekki síst kaþólskum prestum til boða, og jafnvel bara frítt

Geldingar í fegrunartilgangi bannaðar

Drama drama!

Drama drama! Nú þykir mér fokið í flest  Þurfa labbakútarnir í Leikhúsinu virkilega á lögregluvernd að halda?

Sérsveitin kannski að vígbúast, allur er varinn góður, það sagði alla vega skessan og skeindi sig áður en hún skeit

Aðgengi takmarkað

Mannvonska eða?

Hverskonar fólk lokar dýr inni til að svelta í hel? 'Otrúleg mannvonska, eða svona yfirgengilt kæruleysi, ég skil ekki hvað fólk er að pæla, illu skárra hefði verið að loka veslings kisuna úti, það hefði að minnsta kosti gefið henni möguleika á að bjarga sér, kisur eru duglegar að spjara sig, svo er sem betur fer fullt til af sönnum dýravinum sem hefðu glaðir skotið yfir hana skjólshúsi, þar á meðal ég.

Grindhoruðum ketti bjargað af lögreglu