Aðeins of fljótur á sér.

Ekki bara á rúntinum heldur fullur líka, 14 ára titturinn,
kanski á aðeins of hraðri ferð inn í heim fullorðinna þessi litli drengur, vonandi lærir hann eitthvað af vitleysunni.

14 ára ökumaður velti bíl

Þvílík vitleysa.

Svei mér þá ef ekki er komin tími til að endurlífga bloggið mitt við, það er nóg að blogga um þessa dagana. Sjálf tel ég mig til dýravina en fyrr má nú aldeilis fyrr vera! Það sem við Íslendingar látum hafa okkur út í af ótta við almenningsálitið er gjörsamlega takmarkalaust, að ætla að ná ísbirninum lifandi finnst mér kannski ekki óraunhæft en að ætla að flytja dýrið úr landi í búri, já það finnst mér ekki bara fáránlegt heldur alveg ógeðslega fáránlegt, dýrið sem er villt hefði tæplega þolað slíkar aðfarir. Ég hefði talið eina kostinn að drepa dýrið áður en það hefði drepið einhverja bóndadóttur eða veiðimann nú eða bara einhvern annan. Systursynir mínir voru að veiða á slóðum birnunnar síðastliðna helgi, ég fæ sko bara hroll svo er frumburður minn og félagar hans að fara að veiða akkúrat þarna um næstu helgi, ég ætla rétt að vona að birnirnir haldi sig fjarri okkar landi í framtíðinni, og ef ekki að þá hafi menn snör handtök og aflífi dýrið, það er komin tími til að hætta þessum skrípaleik, við erum ekkert að tala um lítið og sætt bangsakrútt heldur stórt, svangt og grimmt rándýr.

Ísbjörninn að Hrauni dauður

Oj, oj Melóna.

Misjafn er smekkur okkar mannanna,
ekki myndi ég borga svo mikið sem eina
krónu fyrir melónu, hvorki þessa umræddu,
né nokkra aðra, mér finnst melóna nebbla
afspyrnu vond, og gildir þá einu hvort hún
er ræktuð í norðurhluta Japans eða annars staðar.

Dýr melóna

Erfitt verkefni

Ofboðslega held ég að þetta sé erfitt verkefni, að þurfa að velja fólk úr flóttamannabúðum þar sem allir eiga jafn hræðilega bágt, Íslenska sendinefndin er svo sannarlega ekki öfundsverð, svo mikið er víst.

Fulltrúar flóttamannanefndar á leið til Íraks

Einmitt það.

Jamm! Það er ekki öllum gefið jafnt, er þeir fæðast í þennan heim, þessi vesalings maður er óræk sönnun þess.
Ótrúlegt vald sem töfralæknar hafa yfir misvitru fólki. 

Laskaður limur

Hvað nota þeir eistun á sér við?

Ég vissi að Spanjólar væru skrítnir, samt ekki alveg svona hrikalega skrýtnir, við hvaa aðstæður skyldu Spænskir þjóðvarðarliðar þurfa að brúka á sér eistun? Og það bæði tvö, tja ekki er ég að fatta hvaða tilgangi þetta tiltekna líffæri þjónar, hjá hermönnunum allt svo.
Ég hefði nú líka haldið að andlitslýti væru bara til bóta í þessum aðstæðum, ef þeir myndu lenda í stríði þá gætu þeir alltént reynt að hræða líftóruna úr andstæðingum sínum, kannski með því að brosa breitt til dæmis.

Skrækróma menn mega ekki verða þjóðvarðliðar

Bratz er með anorexíu.

Stelpan mín lék sér með Barbie fyrstu árin sín en svo hóf Bratz innreið sína og Barbie druslurnar fengu að fjúka.
Hvorug þeirra getur talist eðlilega vaxin, þó hefur gamla Barbie vinninginn í þeim málum. Bratz er mjög lík langt gengnum anorexíusjúklingi, ég spáði oft í hver fyrirmynd hennar hafi verið, og mér datt einna helst í hug að það hafi verið horaður unglingsstrákur með extra stórt höfuð og hlutföllin í dáldið miklu ósamræmi eins og títt er með krakka á unglingsaldri. Ég man líka eftir að fæturnir á þeim voru næstum jafn stórir og hausinn. Ég gat náttla ekki setið á mér og kom oft með nastý athugasemdir við lítinn fögnuð dótturinnar og vinkvenna hennar...En svona er nú lífið, alltaf hægt að finna upp á einhverjum ósóma til að pranga inn á okkur, varnalausa foreldrana.

Barbie gegn Bratz

Gott á gaurinn.

Asskoti var það nú gott á gaurinn
Ég hef alltaf átt bágt með að skilja svona
strípisýningarþörf, svakalega held ég að mann
hefði hlegið dátt ef mann hefði séð aðfarirnar ha,ha,ha

Slasaðist er hann beraði rassinn

Fugladráp af gáleysi

Þessi frétt minnti mig á sorglegan atburð í lífi mínu og barnanna minna. Fyrir einhverjum árum keypti ég Finkur fyrir börnin mín, þær voru voða sætar og góðar, ekkert svo sem öðruvísi en páfagaukar í mínum augum nema náttla bara minni. Allt gekk sinn vanagang, þær görguðu, borðuðu og losuðu sig við fóðrið í búrið sem ég hreinsaði annað slagið, sem sagt ósköp venjulegir fuglar í búri. En einn morguninn lágu þær barasta steindauðar á búrgólfinu, ég hafði gefið þeim að borða daginn áður eins og alla aðra daga, en ég hafði keypt mat sem var ætlaður stórum páfagaukum, ég hélt að skipti ekki nokkru máli hvað þær fengju svo framalega það væri fuglamatur, það varð náttla mikil sorg á heimilinu og ég hafði það bara ekki í mér að segja krökkunum að ég hefði óvart drepið þær, það var ekki fyrr en mörgum árum seinna að ég játaði á mig fugladráp af gáleysi.

Barrfinkur gleðja fuglaáhugamenn

Æði!

Það er margt sem fólk lætur hafa sig út í í þeirri trú að það sé að fara að skemmta sér, rosa gaman að dandalast í lest nú eða þá strætó, blindfullur og útúrruglaður......Váááá! Einmitt eitthvað sem mig hefur alltaf dreymt um...Not! Síðasti dagurinn sem liðið mátti drekka sig rænulaust í neðanjarðalest, jibbý ógó gaman allir í lestina, je!
Við manneskjurnar erum svo klikkaðar að það er ótrúlegt, svo halda sumir því fram að sauðkindin sé vitlaus, það jafnast þó engan vegin á við hvað mannskepnan er vitlaus.

Lestarteiti fór úr böndunum