Hláturinn lengi lifi.

Jæja þá er maður bara komin í koju, búin að erinda ýmislegt í dag, þurfti að skottast til Reykjavíkur og sonna. Svo fórum við mæðgurnar upp í fjall með Pollaling, sá varð nú glaður að fá að hlaupa laus út um mela og móa  Svo splæsti ég í kaffikönnu, svona sem lagar einn eða tvo bolla, geðveikt gott kaffi, enda er ég búin að þamba svo mikið kaffi síðan að ég kom heim að ég er bara alveg ga ga, nei jók ég er nú bara aðeins búin að testa þetta, fékk mér náttla heilsusúkkulaði með Viljiði spá, heilsusúkkulaði! hversu steiktur getur maður verið,, Það var alla vega hjá heilsuvörunum, sykurlaust og sonna. Gott að trúa stundum því sem maður vill trúa, ég er nokkuð viss um að þetta súkkulaði er alveg bráðhollt.

Annars er ég búin að vera í einhverju stríðnisskapi í dag, plataði samt engan af því að ég mundi ekkert eftir að það væri 1. Apríl nema fyrst í morgun, fékk hins vegar óstöðvandi hláturskast upp í fjalli bara svona upp úr engu, ég hló svo mikið að tárin láku niður kinnarnar í stríðum straumum og maskarinn með, ég var að reyna að tjá mig eitthvað um hvað mér fyndist svona drepfyndið, en hló svo mikið að Svandís mín skyldi ekki orð af því sem ég sagði, sem kom svo sem ekki að sök því henni hefði örugglega ekki þótt það fyndið, annað mál hefði hún systa mín verið með mér, við tvær getum nebbilega hlegið að sumu sem engum finnst fyndið nema okkur tveim, held það hafi eitthvað með það að gera að við erum næstum því tvíburar, það munar bara 11 mánuðum. En hláturinn lengir lífið, eða hláturinn lengi lifi

Góða nótt, sofið rótt og verið góð við hvert annað