Hvaða, hvaða?

Hvaða, hvaða? Eins og það sé eitthvað nýtt undir sólinni að sumir láta ver en aðrir, og ekki þarf marga illa agaða einstaklinga til að skemma fyrir öllum hinum, þarna hefur greinilega verið illa siðað unglingsbarn á ferð, einhver óþekk stelpuskjáta sem ekki vílaði fyrir sér að haga sér eins og bölvaður bjáni fyrir augnabliks athygli. Unglingar í dag eru síst eitthvað verri eða drukknari en á árum áður. Þessi blessuðu unglingsár eru og verða og hafa alltaf verið erfið, það er að segja fyrir unglinginn sjálfan, breytingarnar og hormóna starfsemin eru mörgum unglingnum allt annað en dans á rósum, berum virðingu fyrir þessum aldurshóp rétt eins og öllu öðru fólki, og látum ekki blekkjast þó einn og einn kunni ekki almenna mannasiði.

Drukknir unglingar á skólaballi

Hæ, hæ

Jæja þá er ég mætt aftur, ég fór í ljósin og freyðibaðið en gerði ekki meira af því sem ég var búin að plana,´þegar ég kom úr baðinu leið mér eitthvað svo furðulega, skildi ekki hvað var að gerast með mig, svo bara allt í einu fann ég bara æluna gjósa upp og hentist inn á kló og skilaði klósettinu því sem ég hafði látið ofan í mig þann daginn. Svo lagðist ég upp í rúm og steinsofnaði, svaf langt fram á kvöld og vaknaði þá bara nokkuð spræk. Fékk mér að borða og drekka, ég var brjálæðislega þyrst. Ég held að þetta sé ekki annað en álag, andlegt álag sem að mér gekk, svei mér þá. En það fer nú allt saman að lagast, ekki nokkur spurning, ég ætla að koma mér í koju aftur og gá hvort ég get sofnað aftur.

Góða nótt og sofið rótt.

Ýmist í ökla eða eyra.

Váá! Ég er greinilega illa haldin af ritræpu þessa dagana, það er ýmist í ökkla eða eyra hjá mér eins og vanalega, millivegur hvað er nú það? En hvað með það, ég er enn kvefuð alveg upp í haus sem er ekki gaman. Ég er líka drulluslöpp með þessu kvefi, annars veit ég ekki, ég er eitthvað svo hundlöt líka að það er alveg óþolandi, best að sparka duglega í gumpinn á sér og pilla sér í eins og einn ljósatíma, fara svo í freyði og slökunarbað, djúpnæra hárið, blása það og slétta, elda glænýja ýsu og soðnar kartöflur, enda svo á góðum fundi í kvöld. Þetta getur ekki klikkað, bara snilld, og ég er viss um að ég verð bötnuð á morgun.

Eins gott að hafa það tvöfalt.

Eins gott að læknirarnir og sjúkrakonurnar séu við öllu búin, öryggisráðstafirnar hljóta náttla að vera sko alveg tvöfaldar fyrst hún á von á tvíburum, allir í viðbragðsstöðu konan á að eiga börnin í dag, sjálfsagt gengur hún með eitthvað lengur, kannski það dragist í 2 vikur eins og hjá mörgum öðrum konum, en staffið býður til ´þjónustu reiðubúið 24 tíma sólahringsins, eins lengi og með þarf. Á meðan spásserar sú ólétta bara um í Gucci kjólnum sínum hin rólegasta.

Mikill viðbúnaður á sjúkrahúsi

Allir í strætó

Ég held það sé bara alveg málið að leggja bifreiðinni og nota strætó, finnst það nú samt alveg hræðileg tilhugsun, held að ég hafi fengið minn skammt af strætó á mínum unglingsárum, þá bjó ég náttla í Reykjavíkinni sem er sko fæðingabær minn, eða á ég að segja fæðingaborg? Jú ætli ekki það, nei ég held að það verði seint sem ég fer að nota strætisvagna til að koma mér milli staða, frekar myndi ég labba eða jafnvel hjóla. En bensínverðið er alveg yfirgengilega hátt, máski rafmagnsbílar komi sterkir inn, svona í kreppunni.

Bíllinn er byrði þung

Hvar endar þetta?

Hvar endar þetta allt saman? Ég hefði nú heldur talið að matarverð þyrfti að lækka og það all verulega, svona miðað við hinn almenna launþega í þessu landi. Alveg drullupirrandi hvernig allt hækkar, nema náttla launin, þau eru í hróplegu ósamræmi við verðlag á öllum sköpuðum hlutum. Til dæmis ef við tökum tannlæknakostnað barna, ég var að borga 50.000 þúsund fyrir strákinn minn í tannlækningar og hann fer 2 svar á ári. Svo koma tannréttingarnar þar ofan á, ég er með tvö börn í tannréttingum. Íþróttir, tónlistarnám, skólaferðalög og Guð má vita hvað og hvað, þetta er bara út úr öllu korti, svo finnst mér svo dularfullt og hefur alltaf fundist að barnabæturnar skerðast þónokkuð við 7 ára aldur, einmitt um það bil sem börn eru að byrja í íþróttum og hvers kyns tómstundum, og unglingarnir eru nú ekkert sérlega ódýrir í rekstri ef út í það er farið. Jæja ég er greinilega komin langt út fyrir efnið sem ég byrjað að ræða um. Svo nú er mál að hætta.

Matarútgjöld munu hækka

Útlendingahatur

Hrikalega finnst mér sorglegt hvernig sumt fólk getur hagað sér, að ráðast á fólk og berja, stinga og Guð má vita hvað, af þeirri ástæðu að það er ekki sömu þjóðar og það sjálft. Og að hrópa ókvæðisorð á eftir útlendingum, og öskra á eftir þeim að fara heim til sín og annað í þeim dúr, sýnir held ég bara hvað slíkir einstaklingar eru illa á sig komnir andlega.

Ég er samt sem áður hlynnt því að herða þurfi reglur á innflutningi erlends vinnuafls og erlendu fólki til landsins yfir höfuð. Mér fyndist líka að yfirvöld ættu hiklaust að krefja erlenda ríkisborgara um sakavottorð, áður en þeim er hleypt inn í landið til að dvelja í lengri tíma.

En þessi ömurlega framkoma sumra Íslendinga í garð útlendinga finnst mér dæma sig soldið sjálf, þá meina ég að þeir sem haga sér svona ættu kannski að leita sér hjálpar, það hlýtur að vera eitthvað mikið að hjá fólki sem leitar uppi fólk frá öðrum löndum til að hrella og meiða. Ég veit að þetta eru mikið mjög ungir einstaklingar sem eru að kenna útlendingum um allt sem miður fer, eins og að þeir séu að taka frá þeim vinnu og fleira, ég hef hins vegar ekki orðið vör við að þessir sömu krakkar séu ýkja sólgin í vinnu í slorinu. Auðvitað er fullt af fólki á öllum aldri að ýminda sér það sama og krakkarnir, það heyrist náttla bara hæst í æskunni. 

Svo byrjar útlendingahatrið líka einhversstaðar ekki satt? sjálfsagt hjá okkur fullorðna fólkinu, þar sem ungdómurinn gleypir það hrátt, og boltinn rúllar, svo endar öll vitleysan í fáránlegum múgæsingi.

Ekki meira frá mér að sinni.

Undiralda útlendingahaturs

Öfgafullir vitleysingar.

Þessir öfgafullu brjálæðingar eyðileggja fyrir öllum múslimum, þetta er svo illa upp lýst og forheimskur söfnuður að það nær ekki nokkurri átt, það að þessir fáráðlingar séu að drepa fólk, hægri, vinstri í nafni trúarinnar er bara ekkert annað en viðurstyggð, einhver teiknar mynd af átrúnaðargoðinu og birtir í blöðum, er nóg til að skríllinn gengur af göflunum, og hrópar drepa, drepa, í nafni trúarinnar. Fuss og svei, þetta eru nú ljótu aularnir.

Líkur taldar á mótmælum múslíma

Rúskí karamba.

Rúskí Karamba! Léleg þessi rússalögga, að geta ekki einu sinni skutlað grey kallinum heim, kannski var hann líka bara alveg næstum því að fara borga skuldina  Örugglega búin að steingleyma að hann skuldaði einhverjum pjéning.

Bíllinn hirtur fyrirvaralaust

Krúttukerla

Sko! Það er töggur í þeirri gömlu, hún er BARA krúttleg.

Níræð braust inn á eigið heimili með öxi