Kannski var hann blóðlítill.

Ætli maðurinn hafi ekki bara verið sonna blóðlítill nú eða þá með tóman maga?  
Já það er erfitt að gera sumum til hæfis, ef hann hefði ekki orðið fullur þá hefði hann örugglega kvartað yfir því að bjórinn hefði verið útþynntur, annars er ég nokkuð viss um að hann hafi verið búin að dýfa tánni aðeins í bleyti, og auðvitað var hann búinn að steingleyma því, ekki svo sem við öðru að búast, enda manngarmurinn skruggufullur.

Kvartað yfir áfengisáhrifum

Má ekki missa af þessari.

Það er ekki nokkurt vit að láta þessa mynd fram hjá sér fara, þær eru soo klikkaðar og nottla líka ógislega skemmtilegar. Mín ástkæra dóttir er pottþétt búin að horfa 120 sinnum á þættina, þá meina ég 120 sinnum á hverja seríu fyrir sig. Sjálf verð ég pínu þreytt á skvísunum eftir sonna eina seríu, fer þó mikið eftir skapinu hvort ég nenni að horfa á þær. Þær eru samt sem áður hrikalega krúttlegar hver á sinn hátt. Eina seríu! Sei, sei, nei ég meinti einn þátt, ég hef ekki úthald í meira þegar sjónvarp er annars vegar, sem minnir mig á að ég hef ekki kveikt á því í marga, marga daga..

Skiptir 81 sinni um föt

Minnir mig á!

Je minn eini! Minnir mig á dulítið, ég læt hugann reika ein 26-27 ár aftur í tímann. Já þá mér sem sagt boðið í trúlofunarveislu hjá ónefndu pari, ég nottla klæddi mig upp í mitt fínasta púss eins og lög gera ráð fyrir, svo var skundað af stað í veisluna "miklu"  Ég hafði lítillega kynnst umræddu pari þar sem daman var nátengd mínum fyrrverandi svo ég vissi svo sem alveg að hún gat látið í sér heyra ef henni mislíkaði eitthvað.
Það sem ég vissi ekki var að manneskjan var með krafta í kögglum, beittar neglur og sterkar tennur, sem hún hikaði ekki við að beita á sinn heittelskaða og aðra veislugesti.

Eitthvað fannst mér strákræfilinn fá slæma útreið hjá kærustunni og hjá mér vaknaði einhver verndartifinning, svo ég skutlaði mér á skvísuna þar sem hún hafði náð föstu taki með sínum sterku tönnum á eyra stráksins, ég hefði nú betur látið það vera, stelpuvargurinn beið ekki boðanna heldur réðist að mér og hnoðaði mér saman, æddi svo eins og andskotinn sjálfur fram á dyrapall með mig í fanginu og bara henti mér fram af eins og um kartöflupoka hefði verið að ræða, ég þarf vart að taka það fram að ég var blá og marin um allan skrokk, gekk haltrandi um og öll í keng í einhverja daga á eftir.  Það voru fleiri en ég og kærastinn sem fengum að finna fyrir skapillsku fraukunnar þetta kvöld, enda var þessi veisla fræg og lengi í minnum höfð.

Svo var það einn daginn svona einu ári síðar að ég fékk bréf í pósti, afskaplega fallega skrautskrifað boðskort í BRÚÐKAUP turdidúfnanna, ég þurfti ekki að hugsa mig um einu sinni áður en ég afþakkaði gott boð.

Brúðkaupsveislan endaði með slagsmálum

Net-klám fíkn

Ef þetta kallast ekki " net-klám fíkn, þá veit ég hvað. 780 þúsund sinnum, váá! Shit! Þessi pornó gæi hefur greinilega ekki verið í árangurstengdu starfi, því þá hefði hann náttla ekki getað verið að dúlla sér sonna í níu mánuði.
Grey kallin samt, honum getur varla verið sjálfrátt.

Horfði 780 þúsund sinnum á klám í vinnunni

Efla eftirlit.

Sifjaspell er svo sannarlega engin nýlunda, en sem betur fer er umræðan að opnast og í kjölfarið verður vonandi hægt að grípa miklu fyrr í taumana. Það væri jafnvel hægt að efla eftirlit í leikskólum og skólum, svo tel ég líka brýnt að allur almenningur hafi augun hjá sér og hiki ekki við að láta rétta aðila vita ef grunur vaknar um að barn sé beitt ofbeldi, af hvaða tagi sem er.

Norsk kona eignaðist þrjú börn með föður sínum

Ekki vissi ég þetta.

Ég verð nú að viðurkenna fáfræði mína í geimvísundum,
ekki vissi ég að íslendingur hefði farið í geimferð.
En maður er alltaf að læra eitthvað nýtt,
ég skil reyndar ekki að menn skuli hafa áhuga
á að láta skjóta sér eitthvert út í buskann,
fæ bara hroll við tilhugsunina, það er eitthvað svo krípí við svona geimdótarí, finnst mér sko.

Bjarni sest í helgan stein

Eldri borgarar eiga að ráða þessu sjálfir.

Mér finnst að það eigi hiklaust að gera fólki kleyft að búa heima eins lengi og það óskar sjálft, jafnvel þó að einhver veikindi hrjái það. Það á að sjálfsögðu að efla heimahjúkrun verulega mikið til þess að fólki geti liðið vel í sínu eigin umhverfi og lifað eðlilegu lífi sem allra lengst.
Mér finnst það nú bara sjálfsögð mannréttindi, ég sé heldur ekki gróðann í því að þvinga fólk inn á stofnun, auðvitað er fullt af fólki sem er of mikið veikt og getur engan vegin séð um sig sjálft og verður af þeim sökum að dvelja á öldrunarstofnunum.
En það er líka fullt af fólki sem getur séð um sig með einhverri aðstoð,
sumir eru því miður einstæðingar og þurfa kannski aðallega félagsskap og jafnvel aðstoð með þrif og eitthvað slíkt, þetta fólk vill samt umfram allt fá að vera heima hjá sér á meðan að það getur og ætti að sjálfsögðu ekki að neyðast til að fara á stofnun, aðrir vilja frekar vera á elliheimili heldur einir heima, það er auðvitað misjafnt kvað fólk kýs mikinn félagsskap og það er sjálfsögð krafa að fólk ráði sjálft hvort það vill fara eða vera,
eldri borgarar eiga að njóta nákvæmlega sömu réttinda og allir aðrir í þjóðfélaginu.

Fara afi og amma of snemma á heimili?

Húrra fyrir þeim.

Húrra fyrir hjúkrunarfræðingum að standa saman,
og frábært að þeir hafi ekki neyðst til að stöðva vinnu
til að ná fram sínum kröfum.
Það er til skammar hvernig búið er að heilbrigðistéttum
á Íslandi og svo sannarlega tími til komið að hlustað sé á þá.

Vaktakerfið dregið til baka

Mannskaðadagur.

Gleðilegan 1. maí. Eða segir maður það ekki annars?
Þetta er svo sem ekki neinn frídagur lengur, verslunarfólk á varla frí frekar en aðra daga, reyndar eru allar Bónus verslanirnar lokaðar í dag og er það til fyrirmyndar að mínu mati.
Ég átti ekki frí, þurfti að fara að bera út eldsnemma í morgun, sem er svo sem ekkert til að kvarta yfir enda er þetta mín daglega líkamsrækt, ég er líka orðin háð þessari hreyfingu, ég er eitthvað svo agalaus að ég verð að þurfa að fara af stað, annars myndi ég sko bara fara í 20 stiga hita og sól, sem sagt aldrei"

Ég var að glugga í bókina Dagar Íslands, og fletti upp á 1. Maí.
Árið 1615 Áttatíu manns fórust með þrettán skipum í aftakaveðri á Breiðafirði.
Árið 1897 Ofsaveður á norðan með hríð og frosti hófst þennan dag og hélst í nokkra daga. Í veðrinu fórust fimm skip með 54 mönnum. Flestir voru þeir frá Eyjafirði og Patreksfirði.
1922 Strandferðaskipið Sterling strandaði utan við Brimnes í mynni Seyðisfjarðar. Mannbjörg varð. Sterling var fyrsta strandferðaskip í eigu ríkisins.
1965 Þyrla sem var á leið frá Hvalfirði til Keflavíkurflugvallar fórst við Kúagerði, sunnan Hafnafjarðar, og með henni fimm menn, þar á meðal æðstu menn varnarliðsins, þetta var fyrsta þyrluslysið hér á landi þar sem manntjón varð.

Mér fannst þetta soldið merkilegt, öll þessi slys á 1. Maí.

Hámark hugrekkisins?

Einkennilegur draumur, já það finnst mér alla vega.
Honum var sem sé búið að dreyma um það alla sína ævi að halda niðri í sér andanum í yfir 17 mínútur.
Ég sem hélt að maður myndi bara steindrepast í sollis löguðu, alla vega að maður kæmi ekki heill út úr því.
Þessi maður virðist vera ódauðlegur, búin að norpa í ísmolum í 64 klukkustundir, líka búin að láta drekkja sér í Tamesánni í glerbúri í ekkert minna en heilan mánuð, en það sem toppar þetta allt er held ég að láta grafa sig lifandi og dúsa ofan í jörðinni í viku.
Og allt eru þetta hans eigin óskir.
Ef þetta er ekki hámark hugrekkisins þá er þetta hámark heimskunnar.

Hélt niðri í sér andanum í rúmar 17 mínútur