Sæli nú.

Sælt veri fólkið! Þá er mar búin með gönguna, hrikalega hressandi að labba sonna þegar flestir eru í fastasvefni, ja nema náttla ég, og kannski fáeinir aðrir. Annars er ég bara spræk, búin að koma örverpinu mínu í skúllen, og búin að vekja heimasætuna, því það er líka skóli hjá henni. Svo ég dúllast þá bara eitthvað, nenni ekki að pakka niður, ég nenni eiginlega engu þessa dagana. En það er skóli hjá mér í kvöld og sonna, bara gott mál. Svo þarf ég endilega að fara að drífa mig með hann Polla minn í bólusetningu og læknisskoðun, láta kíkja á prinsinn.

Ég hef verið að kíkja á rúm, ætla nebbla að fá mér nýtt, líst asskoti vel á rúmin í Betra Bak. Svo er ég líka að kíkja eftir nýjum sófa, kannski ég fái mér hornsófa, annars er ég alls ekki viss um hvernig sófa mig langar í, en ég kemst nú örugglega fljótt að því. Það er farið að styttast í flutninginn, þannig að það er eins gott að ég fari nú að lúskrast til að pakka einhverju af þessu dóti mínu niður í kassa.

Svo er hún Svandís mín nú bara að byrja í bílatímum á föstudaginn, omg! Ég veit eiginlega ekki alveg hvað mér finnst um það mál, ætli það sé þá ekki bara best að ég segi bless við bílinn minn. En ég get þá altént notað dömuna í sendiferðir, þegar hún verður búin að rífa af mér bílinn. Jæja ekki meira að sinni. Verið góð við hvort annað og líka við ykkur sjálf, þið eigið það skilið.

Brosum framan í heiminn.

Ég sem hélt að ef ég brosi framan í heiminn, að þá brosi heimurinn til mín, ég hef einmitt talið að sé gott vopn gegn þunglyndinu og öðrum andlegum sjúkdómum að brosa bara nógu mikið. En öllu má nú svo sem ofgera, japönsku konurnar brosa eftir því sem mér skilst alveg viðstöðulaust, það er rétt á meðan þær sofa sem þær hætta að brosa, og þó ekki allar, sumar brosa nebbla líka sofandi.

Varað við of miklu brosmildi

Andlega fötluð á höfði.

Þvílíkur endemis hroki! Eins og það hafi eitthvað með kynhneigð fólks að gera, hvort það hugsar vel um dýr. Svona fólk er náttla alvarlega fatlað á höfði, það segir sig nú sjálft.

Sektuð fyrir að neita að selja lesbíu hvolp

Hellú!

Hellú! Smá fréttir af mér og mínum, ég er í óða önn að pakka niður, eða sona þegar ég nenni, fæ íbúðina 1. Mars. Ég og Systan mín fórum á haugana á laugardaginn með eina 9 ruslapoka, fullum af drasli. Það er soldið skrítið að uppgötva hvað mikið af allskyns drasli fylgir manni, það er sko allt annað en auðvelt að komast í gegnum þetta. Hvenær skyldi maður hafa vit á að henda fötum jafnóðum og maður hættir að nota þau, nei nei, um að gera að geyma þau nógu lengi, maður gæti nú þurft að nota þau, það gæti til dæmis komið kreppa og þá væri nú aldeilis gott að grípa til gömlu garmana.

En já, ég vildi að til væri sjálfvirkur niðurpakkari og sjálfvirkur sorterari, sem myndi sortera gömlu garmana frá og svo myndi apparatið náttla koma draslinu á haugana. Eitthvað reyni ég svo bara að selja, eins og stóra hundabúrið sem er svo til ónotað, Polli vill bara vera í þessu litla. Annars er ég svakalega léleg í að selja þetta dótarí mitt, kannski ég selji stólana og sófann, hver veit?

En best að halda áfram að pakka og henda, eigið góðan dag.

Jamm og jæja.

Jamm og jæja! Allan andskotann er nú hægt að selja, en ætli konan hafi aldrei á þessum fimm árum ryksugað undir sófapullunni, ekki það að mér komi það eitthvað persónulega við, var bara sonna að pæla.

Gott verð fyrir gamalt súkkulaði

Frábær árangur.

 Til hamingju Laufey! Geggjað þegar Íslendingar skara fram úr á erlendri grund. Vonandi verður hún bara fræg um allan heim fyrir sína hönnun. Alla vega er hún að standa sig frammúrskarandi vel, 2. sætið af 25 öðrum keppendum, BARA flott hjá Laufey.

Verðlaun fyrir fatahönnun

Óþolandi þröngsýni.

Váá... Hvað það er gott að þetta mál sé komið á hreint. Alveg finnst mér óþolandi þegar fólk er að væla og klaga hunda og kattaeigendur í tíma og ótíma, svo er þetta sama fólk kannski með börn sem þagna ekki nema rétt meðan þau sofa. Ég á sjálf lítinn hund sem geltir ekki, fer aldrei einn út, er aldrei bundin úti, og veldur engum ónæði. Og þó að aldrei heyrist í honum má ég ekki hafa hann í fjölbýli, aftur á móti er ekki mikið hægt að segja þegar börn æpa og orga til skiptis heilu sólahringana út í gegn. Nú eða þegar fullorðnu fólki liggur svo hátt rómur að maður heyrir orðaskil þegar það er ekki sammála, sem er kannski bara mjög oft. Mér finnst að það ætti að endurskoða þessi lög ekki seinna en núna, það eru svo margir sem eru á móti hundum bara af því! Svo finnst mér líka skipta töluverðu máli hvernig hund þú ert með, hvort hann veldur íbúum stigagangsins ónæði eður ey.

Fjöleignarhúsalögin rangtúlkuð

Hvað með flugfreyjurnar?

Hvað með flugfreyjur og flugþjóna? Eins og þau geti ekki líka verið þreytt og andstutt í háloftunum, ja maður bara spyr?

Orrustuflugmenn á Viagra?

Að redda sér.

Þetta kallar maður að bjarga sér, um að gera að deyja ekki ráðalaus.

Ölvaður á stolinni dráttarvél

Típískir ferðalangar.

Alveg típískir ferðalangar, við komumst þetta alveg, þeir eru bara að loka fyrir Hina aulana.

Lögðu á lokaða Holtavörðuheiði