Dagurinn í dag

Sunnudagur til sælu  Það er svo notalegt að vakna ferskur á sunnudagsmorgni og eiga bara allan daginn til að njóta og alls þess góða sem hann býður upp á. Það er svo sannarlega ekkert sjálfsagt við það, það veit ég af biturri reynslu. Ég get ekki skapað eitthvað nýtt ef ég er föst í fortíðinni, hún er liðin og kemur ekki aftur. Það er undir mér komið að gera þennan dag góðan með því að vera jákvæð og hleypa ekki neikvæðum hugsunum að. Ef upp koma vandamál mun ég takast á við þau en ekki láta þau skemma allt það góða sem ég er að reyna að byggja upp, ég lít á vandamál sem verkefni sem þarf að leysa, til þess að mér takist það þarf ég umfram allt að hugsa jákvætt, hugsa stórt, hugsa mér að allt gangi vel og verkefnin leysist á farsælan hátt.

°Þegar einar dyr lokast, opnast aðrar. Auðvelda leiðin er alltaf fyrir hendi, þá leið vil ég ekki fara. Ég opna þess vegna nýju dyrnar, það er nú einu sinni svo að fyrst verða hlutirnir að versna áður en þeir geta lagast. Suðan kemur upp áður en sýður upp úr en hún losar það sem þarf að hreinsast burt.Lífið er það sem ég geri úr því, ef ég er neikvæð dreg ég að mér neikvæðni og dökk ský leggjast yfir líf mitt. Ef ég er jákvæð og sé það góða í öllu og öllum, þá er himininn blár og sólskin umhverfis mig og innra með mér.

Ég lifi einn dag í einu, ég æði ekki lengur áfram skipuleggjandi morgundaginn, dagurinn á morgun gæti jafnvel aldrey komið. Ég ætla að njóta dagsins í dag og alls þess sem hann hefur upp á að bjóða. Núið er mikilvægasti tíminn, þess vegna ættum við að fara vel með hann. Guð leggur ekki meira á okkur en við getum borið. Öll þráum við það besta í lífinu. Það besta býður eftir okkur þegar við erum reiðubúin að þiggja það. Gleimum aldrey að láta í ljós kærleika og virðingu gagnvart öllu sem okkur er gefið.

Jæja þá er ég að hugsa um að skella mér til mömmu og pabba og færa honu pápa mínum smá afmælisglaðning

Vona að þið eigið öll góðan dag kæru vinir.

Ástin.

Ég var svona í gamni mínu að lesa ýmislegt sem ritað hefur verið um ástina. Sumt er svo háfleygt annað svo fáránlega væmið að mann finnur bara kjánahrollinn hríslast niður eftir bakinu, en ég fann líka helling sem er sko barasta bráðfyndið.

Smá sýnishorn:

Ég vildi ég fengi að vera strá og visna í skónum þínum, því léttast gengirðu eflaust á yfirsjónum mínum.

Þau hanga í stofunni eins og samlokur en það er ekkert á milli þeirra nema hamingjan sem skilur þau að.

Ég elskaði eitt sinn stelpu. Hún var heimsk og ég var vitlaus.

Ástin er allt sem ég á nema bót fyrir rassinn.

Sú er ástin heitust sem bundin er meinum, er því best að unna ekki neinum.

Ekkert á jörðinni er eins yndislegt og sönn ást milli pilts og stúlku í góðu veðri um nótt á vori, þegar hestarnir eru sofnaðir í túninu.

Hjartað heimtar meira en húsnæði og brauð.

Heldur þann versta en þann næstbesta.

Ó að ég væri orðin nýr og ynni þér að nýju.

Þau töluðu lítið saman og þorðu varla að líta hvort á annað, það var eins og þau hefðu verið gift í tuttuguogfimm ár, þau þekktust ekki.

Þeim var ekki skapað nema að skilja.

Konu sem þekkt hefur ágætan mann finnst góður maður hlægilegur.

Ást og hatur fara saman og eru ágæt, en ást á ást ofan vekur velgju og leiða. Eins er um ofát á öllum sviðum.

Í sambúð er það lögmál að konan verður tryggari eftir því sem maðurinn svíkur meira.

 Mér finnst svo gaman að lesa eitthvað svona gamalt eftir löngu horfna snillinga, reyndar eru þeir ekki allir horfnir sem sömdu þetta hér að ofan, Guðbergur Bergs er náttla eldsprækur enn en hinir eru ekki lengur á meðal vor.Njótið vel

Þá býð ég góða nótt kæru vinir

Þeir sem ætla út á djammið vil ég segja þetta. Farið varlega og gangið hægt inn um gleðinnar dyr.

 

Sölumenn

Smá framhald: Persónulega dettur mér ekki í hug að líftryggja mig, þegar að ég fell frá og ef það verður á undan pabba barnana minna þá treysti ég honum fullkomlega fyrir þeim sem ekki enn eru orðin fullorðin, ef við hins vegar færum bæði í einu stæðu eignir okkar eftir sem´börnin myndu erfa. Ég hef aldrey skilið þagar fullorðið fólk sem á uppkomin börn sem eru farin að heiman og þá farin að sjá fyrir sér sjálf er að líftryggja sig, til hvers? Svo að börnin fái pening til að kaupa sér nýjan bíl eða eitthvað. Mér finnst þeir tryggingarsalar sem ég hef fyrirhitt um ævina svo óþolandi uppáþrengjandi og dónalegir, man sérstallega eftir einum sem rauk á dyr og skellti fast á eftir sér af því að við vildum ekki kaupa af honum tryggingu.

Í dag ´fá þeir ekki að stíga fæti inn fyrir mínar dyr enda á ég ekkert vantalað við þá.

Líf og sjúkdómatryggingar eru bara fyrir stálhraust og kornungt fólk. Alls ekki fyrir fólk með sjúkdóma . Ég forðast svo sannarlega þessa sölumenn eins og heitan eldin. Ég er líka farin að sjá svo skrambi illa að ég sé ekki lengur smáa letrið.

 

 

Að vera alki eða ekki alki.

Það er einmitt það! Líkur á að veikindin taki sig upp aftur minnka eftir því sem lengra líður frá vel heppnaðri meðferð, 3 ár er lámarkið eða svo segir Vigfús M Vigfússon deildarstjóri líf og heilsutrygginga hjá Tryggingamiðstöðinni. Staðreyndin er nú hins vegar sú að við alkahólistar erum öll jafn langt frá eða jafn nálægt glasinu burtséð frá hvort við höfum verið edrú í 3 mánuði, 3 ár eða 30 ár.

Við höfum ekki læknast af alkahólisma þó við höfum verið edrú lengi, við höfum aðeins fengið frest frá degi til dags með því skilyrði að við gætum vel að andlegri heilsu okkar. Það er ekki nóg fyrir okkur að setja tappann í flöskuna og bíða svo bara róleg, tíminn mun ekki lækna okkur. Vel heppnuð meðferð mun ekki heldur lækna okkur.

Vandi okkar er að sætta okkur við núverandi aðstæður, okkur sjálf og fólkið í kringum okkur, til þess að við náum árangri þurfum við að sætta okkur við raunsæja auðmýkt, án hennar náum við ekki árangri. Við verðum að byrja á byrjuninni hvað eftir annað. Það er æfing í að sætta sig við tilveruna og við þurfum að halda áfram að iðka hana á hverjum degi það sem eftir er ævinnar, ekki bara í 3 ár.

Reiði er tilfinning sem við alkahólistar getum ekki leyft okkur að dvelja í, hún er munaður fyrir okkur, hún er aðalorsök þess að við leiðumst út í drykkju á nýjan leik. Við vitum mætavel að ,,drykkjan gerir okkur sturluð eða gengur af okkur dauðum. Þess vegna forðumst við deilur, oft höfum við skílt okkur á bak við " réttláta reiði " en vá! hvenær er reiði réttlát?

Fátt borgar sig betur en að gæta tungu sinnar og penna. Við verðum að forðast vanhugsaða gagnrýni, rifrildi eða fýlu og þögla fyrirlitningu. Þetta eru tilfinningarlegar gildrur sem dramd og hefndarhugur leiðir okkur beint í.

Vænlegast virðist að bregðast við áfengisvandanum með fræðslu. fræðslu í skólum, lækna, presta, atvinnurekanda, og alls almennings. Fræðslan þarf að vera byggð á staðreyndum og sett fram á réttan hátt. Fram til þessa hefur áhersla verið lögð á siðleysi drykkjuskapar fremur en alkahólisma sem sjúkdóm.

Minn sjúkdómur er alkahóismi en ekki krabbamein, en hver er munurinn? Rústaði alkahólisminn ekki líkama mínum og sál, það tekur alkahólismann lengri tíma að gera út af við menn en endalokin eru þau sömu.

Spakir menn og konur hafa alltaf vitað að engum verður mikið úr lífinu sem ekki hefur það að reglu að kanna sinn innri mann, fyrr en hann getur æðrulaust viðurkennt og sætt sig við það sem hann sér og reynir að bæta það sem aflaga fer.

Hroki er höfuðorsök flestra vandamála mannsins og kermur í veg fyrir að við tökum framförum. Að sýna mótþróa og neita að takast á við mein okkar er vísasta leiðin til glötunnar. Ef siðgæðisreglur og lífsspeki nægðu til að sigrast á alkahólisma hefðu mörg okkar læknast löngu fyrr.Við komust að raun um að slíkt gat ekki bjargað okkur hversu mjög sem við reyndum.

Jæja þá, þetta varð miklu stærri pistill en til stóð og ekki víst að fólk botni neitt í honum, nema náttla alkarnir sem er bara í góðu lagi.

Ekki meira í bili, bæjó.

Óvirkir alkar fá ekki tryggingar

Vel falið verðkönnunarkjöt.

Omg segi ég nú bara eins og unglingarnir, ég steinsofnaði yfir sjónvarpinu og gesti mínum í þokkabót. En það var nú bara hún systa mín, hún er svo sem ekki óvön því að ég dotti svona út um dyntinn og dantinn og er þess vegna ekkert að kyppa sér upp við svoleiðis lagað. Hún þakkaði bara fyrir hrotuhljóð og nammitrakteringar þessi elska áður en hún hélt heim á leið.

Mótorhjólaklúbburinn Fáfnir er hundfúll yfir að vítisenglarnir fengu ekki að koma inn í landið okkar, persónulega er ég bara ánægð með að þeir voru sendir til baka. Það er víst nóg af glæpunum fyrir, þó við förum ekki að flytja þessa glæpaplebba inn líka.

Óþolandi þetta svindl í stórverslununum, ég hef vitað þetta lengi þar sem ég var aðstoðarverslunarstjóri í einni slíkri fyrir örfáum árum, þangað kom spes " verðkönnunarkjöt " tvisvar í viku sem var ávalt vel falið fyrir kúnnunum, það komu yfirleitt einn til tveir bakki af hverri sort. Fryst kjöt var svo falið vel og vandlega í frystikistunum og ekki séns fyrir kúnnana að finna það. Svona er nú plottið á öllum sviðum.

Jæja góða nótt kæru vinir

Viagra og valíum.

Mikið svakalega finnst mér ruslpóstur leiðinlegur, pósthólfið mitt er alltaf yfirfullt, ég hef varla undan að henda draslinu út. Samt er ég með vörn og hvaðeina. Það er ein manneskja sem er svo sauðþrá að manni stendur bara ekki á sama. En hún veit náttla ekki að ég er þrárri en sauðkindin sjálf, hvað um það´, þessi manneskja vill fyrir alla muni koma mér á lyf og það strax. Og það er sko ekki magnýl sem hún heldur að mig vanti, ó sei sei nei! Hún vill að ég fari að bryðja valíum og viagra með góðu eða illu, þeir hafa kanski uppgötvað þarna í útlandinu að það er búið að taka valíum af lyfjaskrá í okkar landi.

Í sannleika sagt fæ ég slík tilboð stundum tvisvar á dag og hef fengið lengi, fyrir nú utan allt annað sem dettur inn í pósthólfið mitt.

Ekki meir í bili. Verð að rjúka út og draga björg í bú

Made in China

Það er ekki að ástæðulausu að maður efast um gæðin þegar stendur, made in China  Eins gott að passa sig, ég ætla að minsta kosti að sneiða hjá leikföngum og dýrafóðri frá kína.

Bann lagt á útflutning rúmlega 700 leikfangaverksmiðja í Kína