Hver segir?

Ef við ætlum að halda áfram að sætta okkur við lygasögur og trúa fólki sem við vitum að mun bregðast okkur enn einu sinni þá er eitthvað mikið að.
Ef við erum ekki búin að fá nóg af þessum gömlu flokkum sem hafa logið að okkur og svikið sín innantómu loforð án þess að blikna eins lengi og elstu menn muna, þá ættum við að staldra við og hugsa okkur vel um, hafa þeir gefið okkur einhverja ástæðu sem réttlætir öll þeirra mistök ,erum við reiðubúin að kaupa hvað sem er frá fólki sem setur sína hagsmuni ofar en okkar, fólki sem hefur aldrei tekið ábyrgð á sínum mistökum, fólki sem er svo gegnsýrt af áralangri spillingu að það er ekki lengur fært um að greina rétt frá röngu. Við höfum tækifæri núna til að þurrka þessa óreiðupésa út fyrir fullt og allt, framtíð landsins okkar er í húfi, við þurfum að borga fyrir klúður þessara syndavaska sem hika ekki við að smjaðra og ganga slefandi á eftir manni til þess að segja að þeir séu þeir einu sem koma til með að uppfylla mínar óskir, svo byrjar sjálfshólið sem fær mig til að taka til fótanna, það er líka það eina sem þeir geta og það er berja sjálfum sér lof.

Ég ætla ekki að taka þátt í þessum skrípaleik, ég veit að ástandið á eftir að versna, ég veit líka að ég herði ekki meira á minni sultaról, hún er löngu komin í síðasta gatið. Við höfum ekkert að gera með alla þessa alþingismenn, ekki heldur nefndir sem er engum til gagns nema einhverju forréttindapakki sem svo mætir ef það nennir, og að menn hafi getað verið búsettir erlendis og þegið laun fyrir fundarsetur sem þeir aldrei sátu er eitthvað sem segir mér að siðgæði apanna er meira þeirra.

Ísland er gjaldþrota, þökk sé misvitru fólki sem dettur ekki í hug að axla ábyrgð, fólki sem missir minnið strax og við erum búin að treysta þeim enn eina ferðina, þetta er fólkið sem forgangsraðar á skjön við allt það sem kom þeim í þau störf sem voru þeim ofviða í góðæri gerfielítunnar, það væri geggjun að ætla þessu sama fólki að takast á við það hyldýpi sem það kom okkur í. Gömlu flokkarnir eru úreltir, kjarklausir spillingapésar sem í þokkabót eru ófærir um að segja okkur satt og hafa í gegnum tíðina ekki getað tekið ábyrgð á sínum eigin mistökum.

Það verður að stinga á bólgna lygablöðruna með rýtingi sannleikans, það er hins vegar ekki mögulegt nema við gefum skít í þá sem hafa fátt sér til framdráttar annað en óstöðvandi talanda, skítkast er það sem þeir þekkja vel og láta ekkert tækifæri ónotað til að kasta skít í hvort annað.l

´Við erum öll að borða sama grautinn í sömu skálinn.
Er sanngjarnt að við fáum teskeiðar á meðan ráðamennirnir hafa ausur?

Hamingjusöm íslensk börn