Alveg makalaust erum við púkó.

Iss piss! Alveg makalaust hvað stjórnmálaumræðan á Íslandi er smásmuguleg, ekki veit ég hvort við "almenningur á Íslandi" erum svona afburða nánasaleg ef stjórnmálamenn eiga í hlut, eða hvort það er bara meðfæddur hæfileiki okkar að kunna að leggja saman tvo og tvo og fá út fjóra. Hvað munar um okkur svo sem um 200 þúsund kall? Ekki munar mig mikið um það, enda fékk ég hvorki meira né minna en 4000 kall meira í umslagið heldur en síðustu mánaðamót.

Við verðum að standa við bakið á þessum elskum, þau eru líka bara að gera þetta fyrir okkur, ekki viljum við að það fari illa um greyin í háloftunum.

Þetta er líka svo miklu hagstæðara í alla staði, það sjá það nú allir, nema kannski við, sem er svo sem ekkert að marka þar sem við erum bévaðir nískupúkar....

Ég ætla að vera alveg brjálæðislega jákvæð í dag. Eins og reyndar ég er næstum alltaf.

Munaði 100-200 þúsund krónum

Athugasemdir

[Asta (IP-tala skráð) 3.4.2008 kl. 11:26]

Ég heyrði frá öðru blaði, að munurinn hefði verið umþb 200 þús, per manneskju. þar að leyti ef 9 manneskjur eru í föruneytinu er þetta ansi drjúgt.

Mér finnst þetta ekkert nema snobb, og því ekki, þau borga ekki miðann

o_O()

[hofy (IP-tala skráð) 3.4.2008 kl. 12:01]

Alveg sammála þér Ásta, auðvitað er þetta ekkert annað en snobb, þetta lið er ekki of gott til að ferðast með áætlunnarflugi eins og flestir aðrir.

[Palli (IP-tala skráð) 3.4.2008 kl. 21:08]

Já sitt sýnist hverjum. Það þekkja það flestir sem umgangast stórar upphæðir dags daglega að tími er peningar. Með nokkrum orðum í Financial Times frá Geir H. þá styrktist krónan umtalsvert og hlutabréfamarkaðirnir. Ég hugsa að þessi orð Geirs hafi verið "AÐEINS" meira virði en 200 þúsund kall. Bara dæmi um hvað það að geta verið á fleiri stöðum "per" sólahring getur skilað sér umtalsvert til baka, þó það kosti 200 þúsund kall.

200 þúsund kall er klink. Ríkið skilaði 50.000 milljóna króna tekjuafgangi á síðasta ári. Afhverju eruð þið ekki að velta því fyrir ykkur hvað verður um þá peninga? Afhverju eruð þið að hneikslast og sveiast yfir því að ráðamenn okkar hagi sér eins og ráðamenn allra annara þjóða? Algjörir smámunaseggir eruð þið.

Stundum þarftu að spila þig stóran til þess að geta leikið þér með stóru köllunum. Við þekkjum það að krakkarnir sem mæta í Hagkaups joggínggalla verða aldrei "svala" liðið. Það sama er í pólitík, fjármálum og lífinu almennt. Hættiði þessu væli. Þið hafið bara gott að því að hætta að væla eins og flestir aðrir (en Íslendingar).