Áfram bílstjórar

Hrikalega leiðist mér þessi harmagrátur hjá löggunni, auðvitað er almenningur í hættu við þessar aðstæður, það dylst varla nokkrum manni, en að vera að beita sektum og vera með skýrslutökur finnst mér alveg fáránlegt, í ljósi þess að þeir geta ekki tekið skýrslu af öllum þeim fjölmörgu bílstjórum sem taka þátt í mótmælunum, ætli þeir pikki bara út þessa fremstu og sekti þá, það finnst mér ekki rétt. Þeir ættu heldur að gráta utan í ráðherrunum og eldsneytiskóngunum ef að þeir á annað borð þurfa eitthvað að vera að væla og skæla.

Áfram bílstjórar....Það er nóg komið af þessu endalausa okri.

Næst á dagskrá er svo vöruverðið.... og svo... og svo... Já já það er sko af nógu að taka.....Niður með þetta fjárans okur á öllum sviðum.

Ég myndi taka þátt með bílstjórunum, ef að ég væri svo heppin að eiga fyrir bensíni.

„Klárlega almannahætta"

Athugasemdir

[Jóhann Pétur Pétursson, 2.4.2008 kl. 11:45]

Harmagrátur.... þetta er klárlega gróft brot á umferðalögum þessar aðgerðir vörubílstjóra og ég vona að sektin sem að þeir fá verði svimandi há. Þó að málstaðurinn sé góður á leyfist fólki ekki bara að gera hvað sem er í þessu landi, bara af því að það er að mótmæla. Það er löngu orðið tímabært að koma lögum á þessa lögbrjóta.

[Landfari, 2.4.2008 kl. 11:52]

Spaugilegt að beina mótmlunum að eina aðilanum sem á engann þátt í hækkuninni á olíuverðinu til flutningabílstjóranna.

Innflutningsverð hækkar um helling.

Innflutningur hækkar líka.

Álagning olíufélaganna hækkar í réttu hlutfalli við hinar hækkanirnar.

Ríkið hækkar sína gjaldtöku ekki um eina krónu.  Þá er rokið til og Ríkið krafið um aðgerðir. Vegna þess að allir flutningar eru komnir á vegina af sjónum hefði þurft að hækka eldsneytisgjaldið því þessir stóru bílar eru bókstaflega að eyðileggja suma vegina sem ekki voru byggðir með svona þungaflutninga í huga.

[hofy sig, 2.4.2008 kl. 13:45]

Jóhann Pétur. Það er ´löngu orðið tímabært að mótmæla þessu andskotans okri sem viðgengst á öllum sviðum í þessu þjóðfélagi. Lögbrot eða ekki lögbrot... Skítsama er mér.

[hofy sig, 2.4.2008 kl. 13:46]

Landfari. Ég nenni ekki að svara fólki sem ekki getur komið fram undir nafni.......sorry

[Tanja (IP-tala skráð) 2.4.2008 kl. 13:55]

En hvað finnst þér um það ef að mamma þín, barnið þitt eða e-r þér nákominn þyrfti að komast undir læknishendur og það væri spurning um mínútur. Sjúkrabíllinn eða sá sem keyrir fastur í mótmælaaðgerðum og kæmist ekki neitt !! Þú vilt væntanlega ekki hugsa það dæmi til enda ??

verð að segja að svar þitt hérna fyrir ofna "Lögbrot eða ekki lögbrot... Skítsama er mér." er þér þá líka skítsama um nauðganir, innbrot og önnur lögbrot ef að það er gert í mótmælaskyni ?

Í góðu lagi að mótmæla ef að það beinist gegn réttum aðila og hefur ekki í för með sér LÖGBROT og almanna hættu

[hofy sig (IP-tala skráð) 2.4.2008 kl. 16:22]

Tanja. Það sem mér finnst um það ef mamma mín, börnin mín, einhver mér nákomin, eða bara einhver sem ég þekki ekki neitt, kæmust ekki undir læknishendur í tæka tíð, finnst mér hræðilegt. Ég geri ráð fyrir að að sjúkra og slökkvilið sé með einhverja varúðarráðstafanir, geri mér þó grein fyrir að það dugi kannski ekki til í öllum tilfellum, mér er langt í frá skítsama um nauðganir, innbrot eða önnur sambærileg afbrot, ég viðurkenni fúslega að hafa tekið full djúpt í árinni með því að segja að mér sé skítsama, best væri að sjálfsögðu að þessi mótmæli bitnuðu ekki á almenningi, heldur akkúrat þeim sem þeim er beint að, en þá spyr ég þig á móti, hefur þú einhverja góða tillögu?

[Tanja (IP-tala skráð) 2.4.2008 kl. 17:17]

hvenrig væri að leggja bílunum fyrir framan dælurnar á bensínstöðvunum, eða fyrir framan starfstöðvar olífélaganna. Stjórnarráðið Alþingi

[hofy (IP-tala skráð) 2.4.2008 kl. 20:01]

Það væri alveg brilljant myndi ég halda