Moggabloggarar versla ekki á útsölum

Jamm og jæja! Ekki ætti þetta að koma okkur Frónbúum á óvart, Íslendingar hafa nú ekki vílað það fyrir sér hingað til að norpa úti í kulda og trekki, bíðandi í löngum biðröðum ef útsölur eru annars vegar, hins vegar kannast fáir við að versla á útsölum ef þeir eru spurðir, soldið einkennilegt finnst mér, að minnsta kosti versla moggabloggarar alls ekki á útsölum "trúlegt" eða hvað? Ég versla oft á útsölum og skammast mín ekkert fyrir það, mér finnst meira að segja ekki erfitt að viðurkenna það, samt sem áður hef ég ekki enn gengið svo langt að bíða í biðröðum eftir að búðin opni "ekki alveg ég" ég get líka viðurkennt að hafa gjörsamlega misst mig í útlandinu og verslað hressilega yfir mig, er vaxin upp úr því rugli sem betur fer, maður væri tæplega sannur Íslendingur ef mann hefði ekki tekið þátt að moka inn slatta af fötum úr útlöndunum, samt voða gott að geta hlegið af því í dag og gert soldið grín af sjálfum sér, vitandi að maður gerir ekki sollis vitleysu lengur.

Þrjár konur féllu í yfirlið á útsölu Next

Ölmusulufsur

Úllala! Ég bíð spennt eða þannig, hvaða glaðning ætli stofnunin hafi fyrir mig árið 2008? Ætli þeir meti mig sem sjálfstæða manneskju eða þarf ég að vera háð maka mínum áfram hvað laun varðar ? Það verður án efa fróðlegt að sjá hvað TR ætlar að bjóða okkur ölmusulufusunum upp á, eina sem þeir virðast færir um að gera, er að taka aurinn úr einum vasanum og færa hann í annan vasa, ekki reikna ég nú með einhverju gáfulegu frá þessari stofnun af fenginni reynslu.

Lífeyrisþegar fá greiðsluáætlun í janúar

Þetta er ástæðan

Úfff! Ég fæ hroll, þetta er ástæðan fyrir að ég er ekki svo mjög æst í að fara í suma dýragarða, eins og til dæmis þá sem maður keyrir í gegn um og vonar bara það besta......oj oj oj má ég þá heldur byðja um eitthvað öruggara takk fyryr takk....

Tígrisdýrinu sleppt lausu?

Óhollur jólamatur

Er ekki bara málið að hætta að borða reykt kjöt, að minnsta kosti finnst mér að þeir sem eru með aldrað fólk í mat um jólin verði að spá í hvað þeir eru að bjóða upp á. Það gengur ekki að bjóða því upp á reykt kjöt í öll mál yfir jólin. Foreldrar mínir eru hjá systir minni á aðfangadag og hún einfaldlega hætti að vera með hamborgarhrygg í matinn þetta kvöld, andabringur voru á borð bornar hjá henni og smökkuðust mikið vel. Svo í kvöld komu foreldrar okkar til mín ásamt fríðu föruneyti, sum sé stórfjölskyldan í mat, við borðuðum lambalæri í stað hangikjöts, en hangikjöt hefur verið snætt svo lengi sem mig rekur minni til í minni fjölskyldu á annan í jólum, ég get ekki sagt að ég sakni hangiketsins neitt ægilega mikið, alla vega vil ég langtum frekar hafa mína mömmu og minn pabba heil heilsu heldur en að slafra í mig hangikjöti.

Þetta reykta kjöt er svo slæmt fyrir blóðþrístinginn og hundvont í magann líka, þess vegna finnst mér hinn mesti óþarfi að vera að taka einhverja sénsa. Ef að einhverjum finnst engin jól vera án hangikjöts, nú þá er fólk barasta alls ekki í góðum málum segi ég, jólin eru og eiga ekki að vera bara gamall vani, heldur ættu allir að minnsta kosti reyna að finna frið innra með sér, og láta gott af sér leiða, kærleikur, gleði og hamingja skapa rétta andrúmsloftið og laða fram það besta í okkur manneskjunum, það er algjört aukaatriði hvort við fáum hangikjöt, rjúpur eða eitthvað allt annað í matinn á jólunum, leyfum kærleikanum að flæða frjálst, þegar við sleppum honum lausum kemur hann margfalt til baka og veitir gleði og blessun öllum sem hann snertir. Kærleikurinn er það besta sem til er í heiminum.

Eitthvað varð þetta nú lengra en ég ætlaði að skrifa, ætlaði bara að tala um óhollan mat, en stundum kemur eitthvað alveg óvænt í framhaldinu.

Góða nótt kæru vinir og sofið rótt...

Átu yfir sig um jólin

Bakkus tekur allt

Já Bakkus kallinn er samur við sig, hann tekur sko það sem honum sýnist, hefur heldur betur verið stórtækur við þennan ólánssama mann, barasta tekið frá honum allt vitið, maður skyldi alls ekki treysta Bakkusi gamla ef maður ætlar að gera eitthvað sem þolir ekki dagsljósið. Annars er náttla best að vera ekkert að bjóða honum í heimsókn yfir höfuð, ja nema að maður sé snjallari en hann........

Sprengdi dekk á lögreglubílum

Fyndinn út yfir gröf og dauða

Aldeilis ekki húmorslausir þessir gæjar, vonandi hafa aðstendendur látna mannsins kunnað að meta grínið. Þetta hlýtur að kallast að vera fyndinn fram yfir rauðan dauðann......

Sendi jólakort frá himnum

Gleðileg jólin

Gleðileg jólin! Aldeilis búin að hafa það gott, borða mikið og sofa mjög mikið, það er það sem ég hef aðallega gert undanfarna tvo daga Já já bara tóm sæla og hugguleg heit í faðmi fjölskyldunnar. Í fyrsta sinn í mörg ár erum við ekki byrjuð að spila, ekkert í gærkvöldi og ekkert í dag, við vorum öll svo þreytt í gærkvöldi og ég er búin að vera í náttfötum í allan dag, svo næs eitthvað. Á morgun kemur öll stórfjölskyldan í mat til mín, " eða sko það sem ég kalla stórfjölskylduna mína " en það er mín stysta, synir hennar tveir og kærustur, mamma og pabbi, börnin mín, tengdadóttir og barnabarn. Það eru nú reyndar fleiri sem tilheyra fjölskyldunni, en sambandið er ekkert til að hrópa húrra fyrir og kærleikar afar takmarkaðir líka. Jam jam svona er nú bara lífið.

Góða nótt og sofið rótt.

Pækill eða brjóstamjólk?

Ég hélt satt að segja ekki og vona að mér fyrirgefist, að ég segi það, að svona skítlegt eðli og lítilfjörlegt ímyndunarafl fyrirfindist  nema þá kanski meðal þeirra sem eru algjörlega lausir við allt sem heitir siðgæðisvitund, þessar hallærislegu femínur eru líka að mínu mati illa haldnar af skynsemisskorti, af hverju í ósköpunum ætli þær séu að blanda jólasveinunum inn í sitt mikilfenglega karlahatur?

Ég get svo svarið það! Ég er helst farin að hallast að því að þessum júfertum hafi verið gefin pækill í stað brjóstamjólkur..

Ósáttir við jólakort femínista

Afmælisogstúdentadagar

Afmælisbarn dagsins 21. Desember er enginn annar en Haukur Leó Sigurðsson sonarsonur minn  

Afmælisbarn dagsins 22. Desember er svo enginn annar en Sigurður Már Sturluson frumburðurinn minn

Sigrún Hauksdóttir útskrifaðist sem stútent úr Fjölbraut á Akranesi 21 Desember og er enginn önnur en tengdadóttir mín

Enn og aftur til hamingju öll

Annars eru víst jólin bara á næsta leiti með öllum sínum dásemdum. Ég klikkaði skverlega á jólakortonum þetta árið, fattaði ekki alveg hvað er stutt í hátíðina, verð bara snemma í kortagerð að ári......segi þetta svo sem alltaf..........

Bakaði pínu í kvöld, keypti deig ekkert smá patent, pakka kanski inn á morgun, á reyndar eftir að kaupa tvær gjafir, geng í málið á Þollák, svo á ég náttla eftir að kaupa saltfiskinn, börnin eru af pizzukynslóðinni en við hjónin úðum í okkur saltfisk, borðum ekki skötu.....ojj ojj ojjj.......samt er bóndinn rammvestfirskur í báðar ættir og fæddur og uppalinn á Flateyri og ég vestfirsk í móðurætt en alin upp í höfuðborginni......

Jæja góða nótt

Draumprinsinn

Ja! Sú hefur verið illa þurfandi, skröltandi um á hækjum og káfandi á saklausum Sveinkanum. Tæplega hefur Sveinki verið svona ómótstæðilegur eða kynþokkafullur, enda kallinn ekkert unglamb svo sem eða um það bil helmingi eldri en sú aðframkomna. En kannski var hann einmitt prins drauma hennar, hver veit?

Káfaði á jólasveininum