girðinganauðgari

Það er aldeilis ekki dónalegt að vakna við þær trakteringar sem ég upplifði í gærmorgun, morgunverður í rúmið og ekkert minna takk fyrir takk. Rjúkandi kaffi, ristað brauð, þrumari og barasta nýbakaðar skonsur, við erum hér að tala um glóðvolgar skonsur " a la mamma, mín sko " klukkan 6.30, sú sem átti heiðurinn af herlegheitunum var engin önnur en mín dásamlega dóttir, svo var bakkinn svo fallega skreittur með servíettum og kerti og allt sko!Elsku Svansan mín er miklu áhugasamari um bakstur heldur en móðirin og skonsu og klatta deildin er alfarið á ábyrgð minnar elskulegu móður og náttla pönsu, vöflu og ótalmargt fleira sem títlan mín hefur lært af ömmunni sinni og nöfnu. Já svei mér ef ég er ekki bara heppnust af öllum, kellingum og köllum. Tounge

En að allt öðru! Mikið svakalega er ég orðin pirruð á þessari siðferðislegu óreiðu sem virðist há dómurum þessa lands. Er það ekki löngu orðið tímabært að skipta um alla kallana og kerlingarnar í brúnni, einhvernvegin virðist þetta geggjaða lið vera svo gjörsamlega laust við allt sem heitir réttlætiskend þegar kynferðisglæpir eru annars vegar.

Héraðsdómur Suðurlands dæmdi í gær mann í 15 mánaða fangelsi fyrir að nauðga konu.

Skoskur dómstóll dæmdi á dögunum mann í 3 ára fangelsi fyrir að hafa kynmök við reiðhjól.

Síðan er mál manns fyrir dómi í London sem var gómaður við að reyna að hafa kynmök við girðingu. Ætli sá fái ekki 3 ára dóm líka?

Skotar bera sem sé mun meiri virðingu fyrir reiðhjólum en Íslenskir dómarar fyrir konum.

Mikið vildi ég að kynferðisafbrotamenn upp til hópa gætu fengið útrás fyrir óeðlið með því að riðlast á reiðhjólum ellegar girðingum, þá væri heimurinn betri en hann er í dag, ekki satt?


« Síðasta færsla | Næsta færsla »

Athugasemdir

1 identicon

Hvað eru "kynmök" við reiðhjól eða girðingu?  Er ekki réttara að segja að viðkomandi hafi verið að fróa sér á þessum hlutum?  Ekki var brotið á rétti hjólsins eða girðingarinnar!  Þurfa hlutir að vera framleiddir með það í huga að þeir séu notaðir á þennan hátt, til dæmis titrarar og önnur hjálpartæki, til að menn sleppi við dóm. 

Hvaða forsendur liggja á bak við þriggja ára fangelsi fyrir að vera hjóla-perri? 

Skiptir það máli hvort um sé að ræða kvenmanns-, karlmanns- eða barnareiðhjól?

Er lengri dómur fyrir að nota þríhjól?

Má ég búast við húsleit eftir að hafa skoðað markid.is eða orninn.is ?

Fyrir hvað fékk maðurinn dóm?  Hvað stendur í lögunum sem farið var eftir?  Hvað réttlætir 3 ár?

rato (IP-tala skráð) 24.11.2007 kl. 09:23

2 Smámynd: hofy sig

Ég hef ekki hugmynd um hvað stendur í lögum um reiðhjólarunkara, ég las þetta í fréttablaðinu og þar var talað um kynmök við reiðhjól hins vegar var ekki tekið fram hvernig hjól þetta var, maðurinn hefur sjálfsagt fengið dóm vegna ósiðlegs athæfi á almannafæri.  Hvort þú mátt búast við húsleit út af þessum síðum veit ég heldur ekki, veit reyndar ekki hvaða síður þetta eru.  Ég held líka að ef manngarmurinn hefði haft vit á að riðlast á hjólinu svona prívat en ekki fyrir allra augum hefði hann egan fengið dóminn. 

hofy sig, 24.11.2007 kl. 22:40

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband